Senbi, 21 Qırküyek 2019
1937 17 pikir 6 Jeltoqsan, 2018 sağat 14:57

Mäulen Äşimbaev Täuelsizdik künine qatıstı tıñ bastama wsındı

«Nwr Otan» partiyası Törağasınıñ Birinşi orınbasarı Mäulen Äşimbaev Täuelsizdik künin jañaşa toylap, erekşe atap ötudi wsındı. Ol bwl turalı öziniñ Facebook-tegi paraqşasında jazğan.

«Endi sanaulı künderden keyin eldigimizdiñ boytwmarınday bolğan Täuelsizdik künin toylaymız. Bwl – halqımız üşin asa qasietti äri qasterli mereke. Öytkeni biz azattıqtıñ arqasında älemdik qauımdastıqqa etene enip, onıñ tolıq müşesi atandıq. Eşkimge jaltaqtamay, erteñimizdi özimiz bağamdaytın, sayasatımızdı wlttıq müddege say jürgizetin deñgeyge jettik.

Elbasımızdıñ dana basşılığımen täuelsizdik jıldarında el damuınıñ jaña ekonomikalıq jäne sayasi negizi qalıptastı. Halıqtıñ äl-auqatı men älemdik deñgeydegi abıroy-bedelimiz de aytarlıqtay arta tüsti. Sondıqtan Täuelsizdik künin atap ötude Otanğa degen mahabbattıñ jarqın ülgisin körsetu är qazaqstandıqtıñ azamattıq borışı boluı tiis. Ol üşin memlekettik deñgeydegi merekelik is-şaralarmen şektelmey, är adam täuelsizdik meyramın toylauğa az da bolsa öz ülesin qosuğa tırısuı qajet.

Osığan oray barşa jeke käsipkerler men käsiporındardı jäne halıqqa qızmet körsetip otırğan jeke wyımdardı Täuelsizdik künin nağız eldiktiñ, egemendiktiñ merekesi retinde atap ötuge şaqıramız. YAğni mereke künderi söreler memlekettik rämizderdiñ tüsimen bezendirilip, qızmetkerler wlttıq naqışqa say kiimder kise, sauda orındarında arnayı akciyalar men jeñildikter siyaqtı biregey bastamalar qolğa alınsa merekeniñ mañızı men mäni odan äri arta tüsetini anıq.

Qalay desek te, bwl künderi är qazaqstandıq merekelik köñil-küyge bölenip, barlıq qoğamdıq orındarda täuelsizdiktiñ mäni men mañızı ayqın sezilip twruı tiis. Sol kezde biz ata-babamız añsağan azattıqtıñ bağasın payımdap, jaña Qazaqstan tarihındağı eñ wlıq künge degen qwrmetimizdi körseter edik.

Eger osı bastamağa bärimiz bir kisidey atsalısıp, öz ülesimizdi qossaq, Täuelsizdik küniniñ şın mäninde jalpıwlttıq jäne är qazaqstandıqtıñ asığa kütetin eñ bastı merekesine aynalatınına kämil senemin», – delingen jazbada.

Bas partiyanıñ bwl bastamasına otandıq käsipkerler öz ülesterin qosadı dep senemiz. Bwl Täuelsizdik küniniñ Jaña jıldıñ tasasında qalmay, elimizdiñ bastı meyramı retinde keñ kölemde atalıp ötiluine mol mümkindik beretin bastama ekeni sözsiz.

Abai.kz

17 pikir