Düysenbi, 16 Jeltoqsan 2019
1152 0 pikir 19 Jeltoqsan, 2018 sağat 16:58

Astanada älemdik «Notre Dame de Paris» myuzikliniñ prem'erası ötti

Ortalıq Aziyada twñğış ret! Elorda törinde «Beybitşilik jäne kelisim» sarayında Ginnestiñ rekordtar kitabına engen älemge äygili «Notre Dame de Paris» myuzikliniñ alğaşqı qoyılımı ötti. Ataqtı francuzdıq-kanadalıq myuzikldiñ prem'erası 2018 jıldıñ jeltoqsannıñ 24-ne deyin jalğasın tabadı.  

Qazaqstan Respublikası Mädeniet jäne sport ministrligi men «Qazaqconcert» memlekettik koncerttik wyımı wyımdastıruımen qazaq tilinde sahnalanatın  «Notre Dame de Paris» qoyılımı otandıq teatr öneri üşin jaña jetistik, tıñ jañalıq boldı.

Älemdik mädeniettiñ jauharına aynalğan «Notre Dame de Paris» myuzikli francuzdıq şanson men sığan motivterindegi tanımal änder, horeografiya, akrobattar öneri jäne qaytalanbas dekoraciyalarmen örnektelgen. Myuzikl jelisinde qazaq tilinde orındalatın «Belle», «Danse mon esmeralda», «Le Temps des Cathedrales» sekildi eluge juıq änniñ äueni tıñdarmandı birden baurap, körermenniñ ıstıq ıqılasına bölendi. Uaqıt sınınan ötip, talğampaz körermenniñ ıstıq ıqılasına bölengen myuzikl eşkimdi beyjay qaldırmağanı anıq.

Düniejüzin tañqaldırğan «Notre Dame de Paris» myuzikliniñ 20 jıldığı elordamız Astananıñ 20 jıldıq mereytoyımen twspa-tws kelip otır. Alğaş ret 1998 jılı Parij qalasında qoyılğan myuzikl älemniñ 9 tiline audarılğan. Endi, Qazaqstan ataqtı myuzikldi öziniñ memlekettik tiline audarğan onınşı el bolıp otır. Elbası wsınğan «Ruhani jañğıru» bağdarlaması ayasında jüzege asatın «Notre Dame de Paris» qoyılımı zamanaui Qazaqstannıñ tarihındağı aytulı oqiğa boları sözsiz.

«Notre Dame de Paris» myuzikliniñ tüpnwsqasımen säykes keletin qazaq tilindegi qoyılım öziniñ tüpki sarının saqtap qaldı. Qoyılımnıñ bastı erekşiligi men jetistigi – qoyılımda öner körsetetin talanttı vokalister, akterler, akrobattar men bişiler elimizdiñ barlıq aymağınan iriktelip, 5 ay boyı qatañ kastingten ötken otandıq önerpazdar bolıp tabıladı. Bwl qoyılımğa jetekşilik etetin myuzikl avtorları R.Koççante men L.Plamondon, sonday-aq francuzdıq prodyuserler men rejisserler qazaqstandıq ärtisterdiñ jwmısına joğarı bağa berip otır. Al librettonı qazaq tiline audarğan belgili aqın Serikzat Düysenğazı.

Abai.kz

0 pikir