Särsenbi, 20 Naurız 2019
46 - söz 2361 11 pikir 9 Qañtar, 2019 sağat 10:48

Örkökirek esek

Ertedegi assiriyalıqtardan beri kele jatqan mınaday bir tämsil bar.
Tämsil dalada jabayı jürgen esek pen üydiñ bağımındağı esektiñ qarım -qatınasın mısal etedi.
Jabayı esek öziniñ adam asırauındağı bauırlasına joğarıdan qarap, är kezdesken sayın oğan jer-jebirine jete wrsıp, twqırtıp twruşı edi.
– Seniñ ömiriñ ömir emes, sende eşqanday erik joq, – dedi bir jolı örkökirek esek qojayınımen birge dalada twrğan esekke jolığıp qalğanda.
– Osı ömirim meniñ özime wnaydı, – dep oğan sonda batılsızdau jauap qaytardı üydiñ esegi.
– Al men erkindiktiñ wlanımın, – dedi dalanıñ esegi mwrnın şüyirip sosın. – Baram degen jerime baramın, kelem degen jerime kelemin. Men biik taulardıñ töbesine köterilip, şöptiñ qwnarlısın jeymin, sudıñ twnığın işemin, auanıñ tazasın jwtamın. Al sen erteli-keş qojayınınıñ toqpağın jeysiñ de jüresiñ.
Jabayı esektiñ osını aytıp auız jiğanı sol edi, saytanday sap etip, bir arıstan qastarınan şığa keldi.
Azulı jırtqış qojayınınıñ janında twrğan esekke batılı jetip bara qoymay, birden jabayı esekke bas salıp, onı zamatında jayratıp saldı.
...Bostandıqtıñ da keyde osılay jandı maqwlıqqa zalalı tietin kezderi bar.

Serik Pirnazardıñ facebook paraqşasınan

Abai.kz

11 pikir