Jeksenbi, 15 Qırküyek 2019
Osı ğoy endi... 1819 1 pikir 11 Qañtar, 2019 sağat 11:15

Arhimedtiñ "jetim balaları" alaqan jayıp jür...

Jaña jıl tabaldırıqtan attar-attamastan-aq Qostanayda  jaña «jır» bastaldı. Oblısımızdıñ äkimi Arhimed Mwqanbetov Sara Alpısqızı tikeley baqılauğa alğan, sondıqtan da qarjılıq jağınan eş uaqıtta qısılıp körmegen «Janwya» balalar üyine  2 million teñge berip, özinşe «mırzalıq» tanıtıp jürgende özge jetimder jwrtqa alaqan jayatın küyge tüsken körinedi.

Bizdiñ ötkende osı taqırıpqa jazğan maqalamızdağı äkimimizdiñ jönsiz jomarttığınıñ şınayı janaşırlıq emes, joğarı jaqqa jaqsı attı körinip qaluı üşin jasalğan äreketi me degen küdigimiz rasqa şıqtı. Sol jolı biz «Mümkin, äkim balalarğa sıylıq jasağısı kelse, nege anau künin äzer körip otırğan osındağı «Del'fin» balalar üyi sekildi köñili jarımjan balapandardıñ köñilin kötermeydi?» degen edik.

Aytqanımız ayday keldi. Balalarğa qajetti dünielerden äbden tarıqqan «Del'fin» balalar üyiniñ direktorı Ömirbek Bäykenov qolı jetetin mekemeler men köztanıs käsipkerlerdiñ barlığına  üşbu hat joldap, hal-qadarınşa kömek beruin ötinip swrağan.

- Biz onsız da kömek körsetip twramız, - deydi qalamızdağı «Germes» jauapkerşiligi şekteuli seriktestiginiñ direktorı E.Swltanov, - Kezinde azıq-tülik, keñse tauarları men basqa dünielerdi sözge kelmesten alıp berip keldik.  Tipti swramasa da kiim-keşek jağınan qol wşın berdik. Olardı biz dükenderden tañdap jürip, jaqsısın alamız. Mäselen, osınday bir kürtkeniñ özi  orta eseppen alğanda 35 mıñ teñgege tüsedi. Biz bergenimizdi pwldap otırğan joqpız. Alayda jaqında  «endi däri-därmek jağınan da kömektesiñder» degen ötinişin estip, tañ qalıp otırmız. Bwl tizim 30 türli därini qamtidı eken. Tipti onda özgesin bılay qoyğanda, 100 şaqtı emizik te jür. Sonda qalay, bwl balalar üyine memleket eş kömek bermey me?

 Mınau  sol tizim

Bwl saualğa bir de jauap tappadıq. Tek bizdiñ «Del'fin» osınday ölmestiñ küyin keşip otırğanda äkimimiz qağanası qarq, sağanası sarq «Janwyağa» erekşe mırzalıq jasauın qanday qisınğa sıyğızarımızdı bilmey basımız qatıp otırğan jayımız bar.

Jaybergen Bolatov

 Abai.kz

1 pikir