Senbi, 15 Tamız 2020
COVID-19 QAZAQSTANDA. Jwqtırğandar — 102287. Jazılğandar — 80716. Qaytıs bolğandar — 1269
Masqara! 6094 25 pikir 20 Qañtar, 2019 sağat 16:41

Saqaldı-namazhan jigitter de "kreşenie" räsimine qatıstı

Pravoslavtardıñ mwzdı suğa şomılu (kreşenie) räsimine qatısıp, jappay jalañaştanıp, "oyıq suğa" omalıp jatqan qazaqtardıñ köbeygeni jaylı bıltır jazğan edik. Ötken jılı änşiler şetinen "şoqınıp" esti şığarıp edi, biıl ol topqa bir top saqaldı-namazhan jigitterdiñ qosılğanın körip tañ qaldıq. 

;feature=youtu.be&fbclid=IwAR3pHIud2Td0V99S8Jd475skMRlk14AX4lQjjFf51oSbW1njyOZi3Kwi-Co

Saqaldı jigitterdiñ bäri - qazaq. Şamamen onşaqtı adam. Qauğa saqaldı olardıñ bir-birimen "uağaleykumuässalam" dep mwsılmanşa amandasqandarınan jäne suğa äuret jerlerin körsetpey şalbarmen tüskenderinen bw azamattardıñ islam dinin berik wstanatının bayqauğa boladı. Video-taspadan bayqağanımızday jigitterdiñ deni otızdı eñsergen. Tipti, arasında äppaq şaştı häm saqaldı el-ağasın da bayqap qaldıq.

Basqa-basqa saqaldı din wstanatın azamattardıñ özi suğa şomılu (kreşenie) räsimin orındau islam dinine qarsı ekenin bilmegeni me?

Kreşenie qaydan şıqtı? Bwl – pravoslav hristiandarınıñ  dini merekesi.  Kreşenie – suğa malu, yağni krestti suğa malu degendi bildiredi. Suğa kresttiñ malınuı sudı tazartıp, älgi su  erekşe qasietke ie boladı-mıs. Bwl nanım-senim hristiandarğa tän.  Krest malınğan bwl su – Yordan suları dep ataladı. Sebebi, Isa Payğambardan bastap eñ alğaş şoqınuşılar Yordan özenine şomılğan körinedi.

Bwl mereke 18 qañtardan 19-qañtarğa qarağan tüni atalıp ötedi. Şomıludıñ negizi – krestti suğa matıru ekenin bile twra qazaqtardıñ, sol qazaqtardıñ işindegi "mwsılmandıqtı wstanıp jür" degenderimizdiñ özge dinniñ räsimin jasauı neni bildiredi?

Qaqağan qısta suıq suğa tüsip, şoqınu qazaq saltında bolğan emes. Söyte twra salttı, dindi bwzu qazaq sanasınıñ, qazaq ruhınıñ qwldırağanın körsetedi. Al, saqaldı jigitterdiñ bwl qılığı din wstanğandardan da tük qayır qalmağanın añğartsa kerek.

Wstını – bölek, wstanımı – tayğanaq mwnday azamattardan qayır kütu beker. Bizdiñ aytpağımız osı...

Şäriphan Qaysar

Abai.kz

25 pikir