سەنبى, 15 تامىز 2020
COVID-19 قازاقستاندا. جۇقتىرعاندار — 102287. جازىلعاندار — 80716. قايتىس بولعاندار — 1269
ماسقارا! 6095 25 پىكىر 20 قاڭتار, 2019 ساعات 16:41

ساقالدى-نامازحان جىگىتتەر دە "كرەششەنيە" راسىمىنە قاتىستى

پراۆوسلاۆتاردىڭ مۇزدى سۋعا شومىلۋ (كرەششەنيە) راسىمىنە قاتىسىپ، جاپپاي جالاڭاشتانىپ، "ويىق سۋعا" ومالىپ جاتقان قازاقتاردىڭ كوبەيگەنى جايلى بىلتىر جازعان ەدىك. وتكەن جىلى انشىلەر شەتىنەن "شوقىنىپ" ەستى شىعارىپ ەدى، بيىل ول توپقا ءبىر توپ ساقالدى-نامازحان جىگىتتەردىڭ قوسىلعانىن كورىپ تاڭ قالدىق. 

;feature=youtu.be&fbclid=IwAR3pHIud2Td0V99S8Jd475skMRlk14AX4lQjjFf51oSbW1njyOZi3Kwi-Co

ساقالدى جىگىتتەردىڭ ءبارى - قازاق. شامامەن ونشاقتى ادام. قاۋعا ساقالدى ولاردىڭ ءبىر-بىرىمەن "ۋاعالەيكۋمۋاسسالام" دەپ مۇسىلمانشا امانداسقاندارىنان جانە سۋعا اۋرەت جەرلەرىن كورسەتپەي شالبارمەن تۇسكەندەرىنەن بۇ ازاماتتاردىڭ يسلام ءدىنىن بەرىك ۇستاناتىنىن بايقاۋعا بولادى. ۆيدەو-تاسپادان بايقاعانىمىزداي جىگىتتەردىڭ دەنى وتىزدى ەڭسەرگەن. ءتىپتى، اراسىندا اپپاق شاشتى ءھام ساقالدى ەل-اعاسىن دا بايقاپ قالدىق.

باسقا-باسقا ساقالدى ءدىن ۇستاناتىن ازاماتتاردىڭ ءوزى سۋعا شومىلۋ (كرەششەنيە) ءراسىمىن ورىنداۋ يسلام دىنىنە قارسى ەكەنىن بىلمەگەنى مە؟

كرەششەنيە قايدان شىقتى؟ بۇل – پراۆوسلاۆ حريستياندارىنىڭ  ءدىني مەرەكەسى.  كرەششەنيە – سۋعا مالۋ، ياعني كرەستتى سۋعا مالۋ دەگەندى بىلدىرەدى. سۋعا كرەستتىڭ مالىنۋى سۋدى تازارتىپ، الگى سۋ  ەرەكشە قاسيەتكە يە بولادى-مىس. بۇل نانىم-سەنىم حريستياندارعا ءتان.  كرەست مالىنعان بۇل سۋ – يوردان سۋلارى دەپ اتالادى. سەبەبى، يسا پايعامباردان باستاپ ەڭ العاش شوقىنۋشىلار يوردان وزەنىنە شومىلعان كورىنەدى.

بۇل مەرەكە 18 قاڭتاردان 19-قاڭتارعا قاراعان ءتۇنى اتالىپ وتەدى. شومىلۋدىڭ نەگىزى – كرەستتى سۋعا ماتىرۋ ەكەنىن بىلە تۇرا قازاقتاردىڭ، سول قازاقتاردىڭ ىشىندەگى "مۇسىلماندىقتى ۇستانىپ ءجۇر" دەگەندەرىمىزدىڭ وزگە ءدىننىڭ ءراسىمىن جاساۋى نەنى بىلدىرەدى؟

قاقاعان قىستا سۋىق سۋعا ءتۇسىپ، شوقىنۋ قازاق سالتىندا بولعان ەمەس. سويتە تۇرا سالتتى، ءدىندى بۇزۋ قازاق ساناسىنىڭ، قازاق رۋحىنىڭ قۇلدىراعانىن كورسەتەدى. ال، ساقالدى جىگىتتەردىڭ بۇل قىلىعى ءدىن ۇستانعانداردان دا تۇك قايىر قالماعانىن اڭعارتسا كەرەك.

ۇستىنى – بولەك، ۇستانىمى – تايعاناق مۇنداي ازاماتتاردان قايىر كۇتۋ بەكەر. ءبىزدىڭ ايتپاعىمىز وسى...

ءشارىپحان قايسار

Abai.kz

25 پىكىر