Qazaqstan qwramasınıñ jaña bapkeri Mihal Bilek kimderge senim artadı?

Biıl qañtar ayında Qazaqstan futbol federaciyası ülken özgerister jasadı. Wlttıq qwramanı bir jılğa juıq uaqıt baptağan bolgariyalıq maman Stanimir Stoilovtı raqmet aytıp şığarıp saldı da, Çehiyadan Mihal Bilek degen bapkerdi aldırdı.

Milliondap aqşa qwyıp, eldegi basqa sport türlerine jasalmağan jağdaydı jasasa da qazaq futbolı twsaulı attay tapıraqtap jür äli. Bwnı bireuler aqşağa qwnıqqan futbolşılardan körse, endi biri bapkerlerdi kinälaydı. Mäseleniñ mänine tereñirek üñilgisi keletin tağı bir top "futboldağı sayasattı dwrıstamay damu jaylı aytu beker" deydi. Qısqası, Qazaqstan futbol federaciyasınıñ jwmısı sın kötermeydi.

Äytpese "Astana" futbol klubımen tolağay tabıstarğa jetken Stanimir Stoilov biliksiz bapker emes edi. Bas komandanıñ tizginin bwl maman wstağanda köp janküyer ülken ümit kütken. Qazaq futbolın ayağınan twrğızar dep sengen. Alayda wlttıq qwramamen jaqsı nätije körsete almadı. Osıdan keyin köpşilik arasında "bizdiñ qisıq ayaqtarğa Joze Mourni'onı bapker etseñ de eşteñe özgermeydi" degen söz taradı. Şınımen de, mıqtı motivator sanalatın Stoilovtıñ özi jigerin jani almağan bizdiñ futbolşılardıñ deñgeyin osıdan bayqauğa boladı.

Endi jaña bapker jaylı bir auız söz.

Mihal Bilek 1965 jılı 13 säuirde düniege kelgen. Futbolşı kezinde Çehoslovakiya jäne Çehiya qwramalarınıñ jartılay qorğauşısı bolğan. Jattıqtıruşı qızmetin çehiyalıq «Teplice» klubında bastadı. Sonımen qatar, «Kartahines» (Kosta-Rika), «Hmel», «Viktoriya Plzen'», «Sparta Praga», «Vısoçina» (barlığı - Çehiya), «Rujomberok» («Slovakiya»), «Dinamo Tbilisi» (Gruziya) futbol klubtarın jattıqtırdı. Soñğı jwmıs ornı - çehiyalıq «Fastav Zlin» komandası.

Mihal Bilektiñ jattıqtıruşılar ştabına engender: kömekşileri - slovakiyalıq Mihal Hipp jäne Talğat Baysufinov, qaqpaşılardıñ jattıqtıruşısı - Nikolay Rodionov.

Jaña bapkerdi naurız ayında ülken sınaq kütip twr. 21 naurızda 2020 jılğı Europa çempionatına irikteu turniri bastaladı. Bizdiñ qwramanıñ alğaşqı qarsılastarı Şotlandiya jäne Resey futbolşıları. Al oğan deyin Moldova qwramasımen joldastıq matç ötkizemiz. Bwl oyın erteñ, 21 aqpan Astana uaqıtı sağat 19:00-ge josparlanğan. Kezdesu Türkiyanıñ Antaliya qalasında ötedi.

Qazaqstan futbol federaciyası men Qazaqstan qwraması jaylı alda tarqatıp jazarmız. Oğan deyin qwramanıñ su jaña bapkeri Mihal Bilek Moldovağa qarsı oyınğa şaqırğan futbolşılardıñ tizimimen tanısayıq.

Qaqpaşılar: Dmitro Nepogodov («Ordabası»), Marsel' Islamqwlov («Qaysar»), Igor' Şackiy («Şahter»);

Qorğauşılar: Dmitriy Şomko («Astana»), Rauan Orınbasar («Jetısu»), Rafkat Aslan, Ruslan Esimov (ekeui de - «Ertis»), Sağadat Twrsınbay, Temirlan Erlanov, Mardan Tölebek, Marat Bıstrov, Sergey Malıy (vse - «Ordabası»), Bekzat Şadmanov («Taraz»), Dmitriy Miroşniçenko («Tobıl»);

Jartılay qorğauşılar: YUriy Percuh («Astana»), Erkin Tapalov («Jetisu»), Maksim Fedin, Azat Nwrğaliev (ekeui de - «Tobıl»), Gevorg Nadjaryan («Şahter»), Duman Närzildaev («Qaysar»);

Şabuılşılar: Roman Mwrtazaev («Astana»), Aleksey Şetkin («Ordabası»), Bauırjan Twrısbek («Tobıl»), Oralhan Ömirtaev («Şahter»).

Bapkerler qwramı: Mihal Bilek - bas bapker, Mihal Hipp - bas bapkerdiñ kömekşisi, Talğat Baysufinov - bas bapkerdiñ kömekşisi, Nikolay Rodionov - qaqpaşılar bapkeri.