Seysenbi, 23 Şilde 2019
1195 2 pikir 15 Naurız, 2019 sağat 12:36

 Q.Toqaev Resey Federaciya Keñesiniñ delegaciyasın qabıldadı

Parlament Senatınıñ Törağası Qasım-Jomart Toqaev Reseydiñ Halıqaralıq ister jönindegi komitetiniñ törağası Konstantin Kosaçev bastağan Federaciya Keñesiniñ delegaciyasın qabıldadı.

Senat Törağası Qazaqstan men Resey arasındağı özara qarım-qatınastar tarihi twrğıdan qarağanda wzaq merzimdi äri odaqtastıq sipatına ie ekenin atap ötti.

Q.Toqaev Qazaqstannıñ sayasi jüyesindegi Senattıñ röli jäne «Nwr Otan» partiyasınıñ XVIII s'ezinde Prezident N.Nazarbaev jariya etken äleumettik doktrinanı iske asırudağı Palatınıñ qızmeti turalı aytıp ötti. Senat Törağası Elbası ayqındağan şeşimderge şamamen 6,5 mlrd. dollar bolatın qomaqtı qarajat bölinetinin atap ötti.

Q.Toqaevtıñ pikirinşe, eki el parlamentteri joğarğı palatalarınıñ arasındağı baylanıstardı odan äri nığayta tüsude Resey delegaciyasınıñ bwl saparı asa mañızdı. Senat Törağası TMD,  WQKW, EQIW parlamentaralıq qwrılımdardağı bizdiñ memleketterdiñ zañ şığaru organdarı ökilderiniñ özara tığız is-qimılına joğarı bağa berdi.

Äñgime barısında Euraziyadağı integraciya üderisterine erekşe nazar audarıldı. «Euraziyalıq ekonomikalıq odaq ayasında birlesken jaña jobalardı jüzege asıru turalı oylastıru qajet. Bwl Odaqtıñ bolaşağı zor. Bizge ıntımaqtastıqtı nığaytıp, EAEO pen Qıtaydıñ Wlı Jibek jolı jobasın wştastıru jolındağı jwmıstardı atqaru kerek», - dedi Q.Toqaev.

K.Kosaçev öz kezeginde eki el basşılarınıñ arasındağı özara senimdi qantınastar kepil bolıp tabılatın eki jaqtı strategiyalıq äriptestiktiñ joğarı deñgeyin atap ötti. Federaciya Keñesi delegaciyasınıñ basşısı Reseyde Prezident N.Nazarbaevtıñ Euraziyalıq Odaq ideyasınıñ avtorı retinde jäne onıñ bwrınğı keñestik aumaqtağı integraciyalıq üderisterdi damıtuğa bağıttalğan bastamaların jaqsı biletinderin jäne joğarı bağalaytının atap ötti.

Kezdesuge qatısuşılar parlamentaralıq baylanıstardı odan äri damıtu jäne halıqaralıq jäne aymaqtıq wyımdar ayasındağı is-qimıldı üylestiru turalı pikir almastı.

Qazaqstan Respublikası Parlamenti
Senatınıñ baspasöz qızmeti

Abai.kz

2 pikir