بەيسەنبى, 28 ناۋرىز 2024
3177 2 پىكىر 15 ناۋرىز, 2019 ساعات 12:36

 ق.توقاەۆ رەسەي فەدەراتسيا كەڭەسىنىڭ دەلەگاتسياسىن قابىلدادى

پارلامەنت سەناتىنىڭ توراعاسى قاسىم-جومارت توقاەۆ رەسەيدىڭ حالىقارالىق ىستەر جونىندەگى كوميتەتىنىڭ توراعاسى كونستانتين كوساچەۆ باستاعان فەدەراتسيا كەڭەسىنىڭ دەلەگاتسياسىن قابىلدادى.

سەنات توراعاسى قازاقستان مەن رەسەي اراسىنداعى ءوزارا قارىم-قاتىناستار تاريحي تۇرعىدان قاراعاندا ۇزاق مەرزىمدى ءارى وداقتاستىق سيپاتىنا يە ەكەنىن اتاپ ءوتتى.

ق.توقاەۆ قازاقستاننىڭ ساياسي جۇيەسىندەگى سەناتتىڭ ءرولى جانە «نۇر وتان» پارتياسىنىڭ XVIII سەزىندە پرەزيدەنت ن.نازارباەۆ جاريا ەتكەن الەۋمەتتىك دوكترينانى ىسكە اسىرۋداعى پالاتىنىڭ قىزمەتى تۋرالى ايتىپ ءوتتى. سەنات توراعاسى ەلباسى ايقىنداعان شەشىمدەرگە شامامەن 6,5 ملرد. دوللار بولاتىن قوماقتى قاراجات بولىنەتىنىن اتاپ ءوتتى.

ق.توقاەۆتىڭ پىكىرىنشە، ەكى ەل پارلامەنتتەرى جوعارعى پالاتالارىنىڭ اراسىنداعى بايلانىستاردى ودان ءارى نىعايتا تۇسۋدە رەسەي دەلەگاتسياسىنىڭ بۇل ساپارى اسا ماڭىزدى. سەنات توراعاسى تمد،  ۇقكۇ، ەقىۇ پارلامەنتارالىق قۇرىلىمدارداعى ءبىزدىڭ مەملەكەتتەردىڭ زاڭ شىعارۋ ورگاندارى وكىلدەرىنىڭ ءوزارا تىعىز ءىس-قيمىلىنا جوعارى باعا بەردى.

اڭگىمە بارىسىندا ەۋرازياداعى ينتەگراتسيا ۇدەرىستەرىنە ەرەكشە نازار اۋدارىلدى. «ەۋرازيالىق ەكونوميكالىق وداق اياسىندا بىرلەسكەن جاڭا جوبالاردى جۇزەگە اسىرۋ تۋرالى ويلاستىرۋ قاجەت. بۇل وداقتىڭ بولاشاعى زور. بىزگە ىنتىماقتاستىقتى نىعايتىپ، ەاەو پەن قىتايدىڭ ۇلى جىبەك جولى جوباسىن ۇشتاستىرۋ جولىنداعى جۇمىستاردى اتقارۋ كەرەك»، - دەدى ق.توقاەۆ.

ك.كوساچەۆ ءوز كەزەگىندە ەكى ەل باسشىلارىنىڭ اراسىنداعى ءوزارا سەنىمدى قانتىناستار كەپىل بولىپ تابىلاتىن ەكى جاقتى ستراتەگيالىق ارىپتەستىكتىڭ جوعارى دەڭگەيىن اتاپ ءوتتى. فەدەراتسيا كەڭەسى دەلەگاتسياسىنىڭ باسشىسى رەسەيدە پرەزيدەنت ن.نازارباەۆتىڭ ەۋرازيالىق وداق يدەياسىنىڭ اۆتورى رەتىندە جانە ونىڭ بۇرىنعى كەڭەستىك اۋماقتاعى ينتەگراتسيالىق ۇدەرىستەردى دامىتۋعا باعىتتالعان باستامالارىن جاقسى بىلەتىندەرىن جانە جوعارى باعالايتىنىن اتاپ ءوتتى.

كەزدەسۋگە قاتىسۋشىلار پارلامەنتارالىق بايلانىستاردى ودان ءارى دامىتۋ جانە حالىقارالىق جانە ايماقتىق ۇيىمدار اياسىنداعى ءىس-قيمىلدى ۇيلەستىرۋ تۋرالى پىكىر الماستى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz

2 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2253
عيبىرات

قايسار رۋحتى عازيز جان

مۇحتار قۇل-مۇحاممەد 3507