Túnghysh preziydentting túnghysh qyzy, Senattyng spiykeri, Darigha Nazarbaeva turaly taghy da bir  eki auyz sóz jazbaqpyz, býgin.

Kesheli-beri әleumettik jelini Darigha Núrsúltanqyzynyng atynan ashylghan «tvitter» paraqshasynyng shata tildi, shala sauatty shimay-shatpaqtary sharlap jýr.

Jetimderdi sýrensizge tenegen, qyrghyzdardy úsqynsyz qúbyjyqqa balaghan, boq auyzdy, bәdik tildi @dariga_senate deytin akkaunttyng jazbalary turaly aityp otyrmyz.

Akkaunt «Dariga Nazarbaeva» degen atpen tirkelgen. Tirkelgen uaqyty: 2019 jyldyng aqpan aiy. 356 oqyrmany, 9 jazbasy bar eken taghy.

Osy akkaunt keshe ghana bir post jariyalapty. Sonda býy depti: «Pridumala sebe novyy titul, Ya budu – ElAnasy!».

Bóten tildegi búl jazbanyng qazaqsha qotarmasy bylay bolady: «Men ózime jana ataq oilap taptym. Endi men – El Anasy bolamyn!».

«El әkesinin» túnghyshy endi «El Anasy» bolmaq pa dep, dauryqqan júrt әleumettik jelide әjeptәuir talqy jasapty. D.N-ing atyna qarata neshe týrli syny sózder aitylypty.

Osyny kórgen biz, 30 jyl el basqarghan әkesining ózi óz-ózine ataq beruge arlanghan adam edi, birinshi qyzdyng búl qay sasqany dedik. Sóittik te, «tvitterdegi» әlgi paraqshany sholyp shyqtyq. Sonymyz dúrys bolghan eken...

24-nauryz kýni Dariga Nazarbaeva degen akkaunt qyrghyzdardy tildepti. Jәy tildep qana qoysa kәne, auzyna aq it kirip, kók it shyqqansha kókbettik jasapty. Orys әdebiyetining eng ekzotikalyq terminderin (boqtyq sózderdi) qoldana otyryp, bar óshin qonsylas qonystanghan qyrghyz tughandardan alypty.

«V drevnosty detdomov ne bylo, po etomu Kazahy sbrasyvaly kdetey-urodov so skaly, no ony vyjili, tak poyavilisi Kyrgyzy», dep jazba jariyalaghan. Qazaqshalasaq, «Erterekte  jetimder ýii bolmaghan. Sondyqtan qazaqtar qúbyjyq balalardy jardan laqtyratyn. Biraq olar tiri qaldy. Sóitip qyrghyzdar payda boldy» degenge sayady. Búl әriyne, aiyr qalpaqty aghayynnyng ashuyn keltirgen. Biraz talqy bolghan.

Al janaghy akkaunt avtory odan әri qyrghyz aghayyndargha taghy shýiligip, shekarany jauyp tastaymyn dep, doq kórsetkendey sóileydi. Ózine qarata aitylghan syny pikirlerge týkirgeni baryn ashyq aitady. Búnyng barlyghy da beysauat, bәdik, tipti boqauyzdy, anayy tilmen jazylady. Biz әlgi @dariga_senate deytin akkaunttyng barlyq jazbalaryn tizbelep jatpadyq. Oghan jýikemiz shydamady.

Darigha Núrsúltanqyzynyng sayasy qyzmetine syny kózqarasymyzdy bir emes, birneshe mәrte jazsaq ta, dәl osy dauly jazbagha kelgende ol kisini arandatushygha qimadyq. IYә, janaghy jagha ústatarlyq, jau shaqyrghan jaghymsyz jazbalardy basqa-basqa emes, Darigha Núrsúltanqyzynyng ózi taratty degenge sengimiz joq.

Sondyqtan, aldaghy uaqta Senattyng baspasózi, Darigha Nazarbaevanyng ózi búl mәselege qatysty pikir bildiredi dep kýtemiz.

Taqyrypqa túzdyq. Darigha Núrsúltanqyzy Nazarbaevanyng atyna qarata aitylyp jatqan syn az emes. Onyng senator mansabynda jýrip aitqan key sózderi әli kýnge el ishinde qyzu talqylanuda.

Darigha Núrsúltanqyzy Nazarbaeva jogharyda aitqanymyzday, Qazaqstannyng ekinshi adamy, qazir. Parlamentting jogharghy palatasy sanalatyn Senatty basqarady.  Keybir sayasatkerlerding boljauynsha, ol aldaghy saylaudaghy basty favoritterding biri. Juyrda «Financial Times» basylymy «Darigha Nazarbaeva: Qazaqstannyng dubler preziydenti» (Dariga Nazarbayeva: Kazakhstan’s understudy president) atty maqala jariyalady.

Mәskeulik bilimi bar opera әnshisi, Túnghysh preziydentting túnghysh qyzy eldegi alghashqy әiel basshy bolugha dayyn kórinedi.

Ári qaray maqala avtory eks-preziydent Nazarbaevtyng ýsh jyl búryn aitqan sózderin mysal etipti. «Ýsh jyl búryn Qazaqstannyng sol kezdegi preziydenti Núrsúltan Nazarbaev Qazaqstannyng memleket basshysy retinde әiel adamdy qabyldaugha әzir ekenin ashyq aitqan. «Búl mýmkin. Mening ýsh qyzym baryn eskersek, mening әiel zatyna kónilim erekshe» degen edi Nazarbaev» dep jazady «Financial Times» basylymy.

Týiin. Eldegi songhy aptalardaghy auys-týiisten keyin Darigha Nazarbaevanyng sayasy róli jogharylady. Eng keminde ol Senattyng spiykeri, Qazaqstannyng «zapastaghy» preziydenti atandy.

Jogharydaghy arandatushy pighyldy akkaunttyng kimge tiyesili ekenin anyqtau Qazaqstannyng qúzyrly organdarynyng mindetindegi sharua. Eger akkaunt shyn mәninde Darigha Nazarbaevagha tiyesili bolsa, onyng otstavkasy ótinish emes, talap bolmaq. Kerisinshe jaghdayda, memleketaralyq alauyzdyqty tudyrmaq niyettiler anyqtalyp, jazalanuy kerek...

Sondyqtan da Qazaqstannyng qúzyrly organdary búny baqylaugha alyp, mәselening aq-qarasyn anyqtauy tiyis. Óitpegende, búl jazbalar memleketter arasynda dau tudyryp jiberui әbden mýmkin. Bizdiki qauip! Bizdiki saqtyq!

Núrgeldi Ábdighaniyúly

Abai.kz