Júma, 29 Nauryz 2024
Biylik 4471 24 pikir 4 Sәuir, 2019 saghat 09:40

Mәskeu sapary. Qanday qújattar qabyldandy?

Qasym-Jomart Toqaev jurnalister aldynda sóilegen sózinde Qazaqstan Respublikasynyng Preziydenti retinde Resey Federasiyasyna jasaghan alghashqy saparynyng simvoldyq mәnin atap ótip, eki el arasyndaghy qarym-qatynastardyng erekshe sipatyn aitty.

– Mәskeuge resmy saparmen keluge shaqyrghan Resey Federasiyasynyng Preziydenti Vladimir Putinge, sonday-aq qonaqjaylyq kórsetip, jyly qabyldaghany ýshin reseylik dostarymyzgha rizashylyq bildiremin. Búl sapar eki taraptyng da odaqtastyqty odan әri damytyp, Qazaqstan men Resey halyqtarynyng dostyq baylanystaryn nyghaytugha úmtylatynyn kórsetti, – dedi Memleket basshysy.

Qasym-Jomart Toqaev qatysushylargha Qazaqstannyng Túnghysh Preziydenti – Elbasy Núrsúltan Nazarbaevtyng Memleket basshysy ókilettigin toqtatu turaly sheshimi jóninde aitty jәne búl qadam Qazaqstannyng keleshegi ýshin jasalghan sayasy danalyq pen ýlken jauapkershilikting jarqyn ýlgisi bolyp tabylatynyn erekshe atap ótti.

– Búl tarihy oqigha әlemdik qoghamdastyqtyng bizding elimizge zor qúrmetpen qarauyna týrtki boldy. Býginde Núrsúltan Nazarbaev barsha Qazaqstan halqynyng ystyq yqylasyna bólenip, qoldauyna ie bolyp otyr. Ol Elbasy mәrtebesinde Qauipsizdik Kenesining jәne Nur Otan basqarushy partiyasynyng tóraghasy lauazymyndaghy ózining auqymdy qyzmetin atqara beredi, – dedi Qazaqstan Preziydenti.

Memleket basshysy ózining Preziydent retindegi qyzmeti Qazaqstan men Resey arasyndaghy yntymaqtastyqtyng «altyn ghasyrynda» bastalghanyn atap ótip, Núr-Súltan men Mәskeuding jan-jaqty dialogyn nyghaytu jónindegi strategiyalyq baghdardy jalghastyrugha jәne búghan deyingi qol jetkizilgen uaghdalastyqtardyng sabaqtastyghyn qamtamasyz etuge zor niyettestik bildiretinin aitty.

Sonymen birge, Qasym-Jomart Toqaev Qazaqstanda Resey kapitalynyng qatysuymen múnay jәne himiya, jenil ónerkәsip, auyl sharuashylyghy, avtomobili jәne temirjol mashinalaryn jasau salasyndaghy 100-ge juyq birlesken jobalardy iske asyratyn 9 mynnan astam kәsiporynnyng júmys isteytinin atap kórsetti.

Qazaqstan Preziydenti Resey tarapymen aradaghy kelissózderding taqyryby bolghan eki elding ónerkәsip kooperasiyasy jәne investisiyalyq yntymaqtastyq mәselelerine arnayy toqtaldy.

– Býgin taraptar qol qoyghan Qazaqstan-Resey ónerkәsip kooperasiyasy salasyndaghy birlesken is-qimyldar baghdarlamasy osy baghyttaghy júmysqa tyng serpin beredi. Búl baghdarlamanyng jýzege asyryluy traktorlardyn, avtobustardyn, avtomobilider men basqa da kólik qúraldarynyng óndirisin arttyrugha, sonday-aq elimizde qosymsha júmys oryndaryn ashugha mýmkindik beredi, – dedi Memleket basshysy.

Memleket basshysy Qazaqstan men Reseyding geografiyalyq ornalasu ereksheligine toqtala otyryp, eki elding kólik-tranzit әleueti bәsekege qabiletti manyzdy basymdyq ekenine toqtaldy, sonday-aq osy mýmkindikti tiyimdi paydalanu qajettigine nazar audardy.

– Bizding elderimiz arqyly Euraziyanyng Batysy men Shyghysyn baylanystyratyn «Batys Europa – Batys Qytay» avtomagistrali asa manyzdy kólik kýre joly bolyp tabylady. Biz shekaralyq rúqsattama nýkteleri júmysynyng tiyimdiligin arttyru mәselesine de nazar audardyq. Búl bizding azamattarymyzdyng shekara arqyly ótuin jenildetuge mýmkindik beredi, sonday-aq óniraralyq sauda-sattyqty damytugha yqpal etedi, – dedi Qasym-Jomart Toqaev.

Búdan bólek, Qazaqstan Preziydenti energetika jәne janar-jagharmay sektorynda ózara is-qimyl jasaudyng perspektivalaryna, sonday-aq eki elding әskeriy-tehnikalyq jәne gharysh salasyndaghy yntymaqtastyghyna, sonyng ishinde Bayqonyr qalasyn gazben qamtamasyz etu mәselelerine arnayy toqtaldy.

Memleket basshysy Qazaqstan men Reseyding turizm salasyndaghy yntymaqtastyghy turaly aita kele, osy salanyng damuyna qajetti mýmkindikterding mol ekenin atap kórsetti jәne turistik, kólik-logistikalyq infraqúrylymdy damytu, sonday-aq eki elding shipajaylaryn nasihattau júmystaryn jýrgizu qajettigine basa nazar audardy.

Qazaqstan Preziydenti ekijaqty mәdeniy-gumanitarlyq baylanystardy odan әri nyghaytu mәselelerine de toqtaldy.

– Kelissózder barysynda Qazaqstanda qoldanbaly ghylymdargha arnalghan birlesken oqu ornyn ashu mәselesi talqylandy, qazaqstandyq әrtisterding Sankt-Peterburgtegi Muzyka Ýiinde bilim aluy jәne Qazaqstannyng Últtyq múrajayynda Ermitaj kýnderin ótkizu mýmkindikteri qarastyryldy, – dedi Qasym-Jomart Toqaev.

Sonynda Qazaqstan Preziydenti jýrgizilgen kelissózderding nәtiyjesine kónili tolatynyn aityp, qol jetkizilgen kelisimder Qazaqstan men Reseyding dostastyqqa, senimdilikke, tatu kórshilikke jәne odaqtastyqqa negizdelgen yntymaqtastyghyn odan әri nyghaytugha yqpal etetinine senim bildirdi.

Vladimir Putin óz sózinde Qasym-Jomart Toqaevqa Resey Federasiyasyna alghashqy resmy saparmen kelgeni ýshin rizashylyq bildirdi.

– Kelissózder qazirgi Qazaqstan memleketining negizin qalaushy, Qazaqstan Respublikasynyng Túnghysh Preziydenti Núrsúltan Ábishúly Nazarbaevpen birlesip jemisti júmys istegen jyldarda qalyptasqan dәstýrge tolyghymen say keletin syndarly jәne iskerlik jaghdayda jýrgizilgenin atap ótkim keledi, – dedi Vladimir Putiyn.

Resey Preziydenti qabyldanghan birlesken mәlimdemede Resey men Qazaqstannyng keng auqymdy strategiyalyq seriktestigin nyghaytudy kózdeytin ózara kelisim kórinis tapqanyn, sonday-aq ony odan әri damytu ýshin naqty jәne jauapty mindetter qoyylghanyn atap ótti.

– Jemisti jәne mazmúndy kelissózder ýshin Qazaqstan Preziydentine jәne Qazaqstannan kelgen bizding әriptes dostarymyzgha shynayy rizashylyghymdy bildirgim keledi. Bizding kezdesuimizding nәtiyjeleri bauyrlas eki el halyqtarynyng iygiligi ýshin Resey men Qazaqstannyng odaqtastyq qarym-qatynastaryn nyghaytugha septigin tiygizetinine senimdimin, – dedi Vladimir Putiyn.

***

Sapar qorytyndysy boyynsha mynaday qújattargha qol qoyyldy:

1. Qazaqstan Respublikasynyng Preziydenti Qasym-Jomart Toqaev pen Resey Federasiyasynyng Preziydenti Vladimir Putinning birlesken mәlimdemesi.

2. Resey-Qazaqstan óndiristik kooperasiyasy salasyndaghy birlesken is-qimyl baghdarlamasy.

3. Qazaqstan Respublikasynyng Ýkimeti men Resey Federasiyasynyng Ýkimeti arasyndaghy «Bayqonyr» keshenin gazben jabdyqtau jónindegi kelisim.

4. Qazaqstan Respublikasynyng Sifrlyq damu, qorghanys jәne aerogharysh ónerkәsibi ministrligi men Resey Federasiyasynyng Ónerkәsip jәne sauda ministrligi arasyndaghy Kәsiporyndardyng ghylymiy-tehnikalyq kooperasiyasy salasyndaghy ekijaqty yntymaqtastyq jospary.

Abai.kz

24 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1578
Alashorda

Qojanov mejeleu nauqanynda (Jalghasy)

Beybit Qoyshybaev 2273
Ghibyrat

Qaysar ruhty ghaziz jan

Múhtar Qúl-Múhammed 3590