Jwma, 15 Qaraşa 2019
Bilik 3678 6 pikir 5 Säuir, 2019 sağat 09:45

Auılğa bölingen aqşa ornımen jwmsaluğa tiis

Dariğa Nazarbaevanıñ törağalığımen ötken Senat otırısında senator D.Musin «Bügingi byudjetti naqtılau turalı zañ jobasınıñ bastı erekşeligi – byudjettik şığındardıñ basımdıqtarın qayta qarau arqılı, halıqtı äleumettik qoldaudı küşeytu bolıp tabıladı», - dedi.

Otırısta senatorlar 2019-2021 jıldarğa arnalğan byudjetti naqtılau turalı zañ jobaların qarap, tolıqtırular jasap, Mäjiliske qaytardı.

Talqılau barısında deputattar Ükimet müşelerine swraqtar qoyıp, özderiniñ birqatar sın pikirlerin ayttı.

«Auıl – El besigi» arnayı jobasın iske asıruğa 2019-2021 jıldarı 90 mlrd.teñge köleminde qarjı bölu tapsırılğan.

Osı orayda senator D.Musin joba şeñberinde halıqtıñ tığızdığı, infraqwrılımnıñ jağdayı, jaña jwmıs orındarın aşu mümkindigi mol 1781 eldi meken iriktelgenmen osı jobanı iske asıruğa bağıttalğan wyımdastıru şaraları jäne aymaqtıq standarttar jüyesin äzirleu jwmıstarınıñ büginge deyin ayaqtalmağanın sınğa aldı.

«Bwl kemşilikter jaqında Parlament Mäjilisinde AÖK-in damıtu boyınşa zañ jobasın talqılau barısında da aytılıp ötti. Bügingi küngi «Auıl – El besigi» attı arnayı jobası QR Prezidentiniñ Jarlığımen bekitilgen «Auıldıq aumaqtardı damıtudıñ 2004 – 2010 jıldarğa arnalğan memlekettik bağdarlamanıñ» uaqıt talabına say jalğası retinde sanauğa boladı.

Sonday-aq, ötken jılı QR-ñ AÖK-in damıtuğa jäne Öñirlerdi damıtuğa arnalğan eki mañızdı memlekettik bağdarlamalar qabıldanğanı mälim.

Osı orayda, atalğan bağdarlamalardıñ şeñberindegi maqsattar men mindetterdiñ orındaluına jauaptı memlekettik organdar byudjetten bağıttalıp otırğan qıruar qarjını eñ aldımen «tirek» auıldıq eldi mekender men damu äleueti joğarı auıldardıñ infraqwrılımdarın damıtuğa tiimdi türde igergenderi jön dep sanaymın» , - dedi senator.

Sonday-aq, D.Musinniñ aytuınşa, jalpı alğanda, memleket tarapınan auıldıq aumaqtardı damıtu boyınşa qabıldanğan bağdarlamalar jetkilikti, alayda olardı halıq igiligine iske asıru boyınşa jüyeli jwmıstardı jürgizetin jauaptı jäne üylestiruşi naqtı memlekettik organdı anıqtau qajet.

«Sonımen qatar, agroönerkäsiptik keşendi memlekettik qoldaudıñ barlıq şaraları jäne auıldıq aumaqtardı damıtudıñ sektoraralıq bağdarlamaların biriktirudi közdeytin «Auıl – El besigi»  attı arnayı jobasın jüzege asırudıñ birıñğay sayasatı ayqındaluı tiis dep oylaymız.

Atalğan şara auıldıq aymaqtardı basqaruda vedomstvoaralıq bıtırañqılıqtı eñseruge, sonday-aq, ortalıq jäne jergilikti atqaruşı organdar, ükimettik emes wyımdar men biznestiñ arasındağı üylesimdi küşeytuge öz äserin tigizeri sözsiz»,- dedi senator D.Musin.

Ädilbek Qaba

Abai.kz

 

6 pikir