Jwma, 23 Tamız 2019
1399 4 pikir 22 Säuir, 2019 sağat 10:11

Qazaq qımızı men şwbatı älemdi jaulaydı

İİ jahan soğısında orıs-nemis maydanda twtqınğa tüsip, jazasın qazaq jerinde ötegen nemistiñ äskeri twtqındarı öz eline oralğan soñ, bie baylağan. Solar qımızdı äueli Europağa, keyin älemge tanımal etti. Äri qwrğaq qımız şığaratın qwrılığı oylap taptı. Ol qwrılğını qazaq argraileri de kädege jarata bastadı.

Qazir  AQŞ, BAÄ, EO, Qıtay, Resey, Oman, Bahreyn, Saud Araviyası siyaqtı älemdik eñ iri narıqtardan qazaq qımızına qızığuşılıq tuındap otır. Osı bağıtta 2015 jılı irgesi qalanğan  Qarağandı oblısındağı Osakarov audanıdağı Dal'nıy auıldıq okruginde ornalasqan «Euraziya Invest LTD» kompaniyasınıñ zauıtınan bıltırğı jılı  Saumal brendimen 30 tonna qımız eksportqa şığarıldı.

Europada qwrğaq bie sütin öndirumen jäne qımız satumen 30 asa kompaniya aynalısadı. Qazaq käsipkerleri osı jıldıñ qañtarında Berlinde ötken «Jasıl apta» dästürli körmesine qatısıp, nemis äriptesterimen äriptestik kelisimderge qol jetkizdi. Baden-Vyurtemberg jerindegi Kurgestut Hoher Odenwald fermasınıñ iesi  Gans Col'man qwrğaq qımız öndiretin qwrılğılardıñ qazaq jerine jetkiziluin öz moyına aldı.

«Euraziya Invest LTD»  naurızda AQŞ narığına şığuğa mümkindik aldı. Eki amerikalıq kompaniya qazaqi önimge ıqlas tanıttı. AQŞ sauda talabına say keletin «Saumet» önimi endi osı eldiñ dükenderinen öz ornın alatın boladı. Saumal markası bolsa, osı elde  älemdegi eñ iri Amazon internet-dükeni arqılı jartı jıldan beri saudağa tüsip keledi.

Bwl arada basa aytatın jay qazaq biesinen alınğan qwrğaq süt Europa bielerine qarağanda biodärumenderge bay. Onıñ üstine Europalıq jılqılar tebindemeydi. Endi qazaq käsipkerleri älemge qımızğa qarağanda tanımaldığı zor, şwbattı da eksportqa şığarudı qolğa alğalı jatır.

Äbil-Serik Äliakpar

Abai.kz

4 pikir