Jwma, 23 Tamız 2019
1361 2 pikir 22 Säuir, 2019 sağat 11:39

«Otandastar qorı» KEAQ qolğa alğan igi is

Elimiz egemendik alıp, öz aldına tu tikken künnen bastap jan-jaqtı damığan äleuetti el bolu üşin köptegen jwmıstar atqarıldı. Qazaqstannıñ bügingi jetken jetistigin elimizdiñ Twñğış prezidenti Elbası Nwrswltan Nazarbaevtiñ eñbeginen böle qarau mümkin emes. Elbası egemen eldiñ erteñin nwrlı etu üşin qoldan kelgenniñ bärin jasadı. Sol igi şaralardıñ biri şetelderde jürgen qandastardı elge şaqıru isi bolatın.

Igi maqsatqa tura jürgen jetedi deydi. Babadan qalğan baytaq ölkeni basqalardıñ tabanına taptatpay, bolaşaq wrpaqqa wlağattı wlttıq bolmısımızben qaltıru, bolaşaqta Qazaq elin qara orman ğalamnıñ quattı jolbarısına aynaldıru bizdiñ eldiñ bastı maqsatı! Osı bağıtqa jañıldırmay bağıt silter temirqazıq jwldızımız, jeteler jebeuşimiz - Elbasımızdıñ dara jolı ekeni sözsiz..

Osıdan otız jıl bwrın, egemendiktiñ el tuın endi ğana qolına alğan jas Qazaqstannıñ erteñiniñ erejesi, bolaşağınıñ kepili bolğan Elbası Nwrswltan Äbişwlınıñ bastamaları ekeni bärimizge belgili. 1992 jılı twñğış kezekti düniejüzi qazaqtarınıñ qwrıltayın şaqırıp, älemniñ är tükpirinen qandastardı elge şaqırudağı bastı maqsattıñ özi täuelsiz Qazaqstandı äleuetti elge aynaldırudıñ qamı bolatın. Sol bağıtta tınbay jasalğan wzaq uaqttıq jwmıstardıñ arqasında şirek ğasırda elimizge kelgen qandastardıñ özi bir şoğır elge aynalıp ülgerdi.

Osı jwmıstardı äri qaray qarqındı jürgizu üşin 2018 jılı Düniejüzi qazaqtarı qauımdastığımen selbese jwmıs isteytin «Otandastar qorı» Kommerciyalıq emes akcionerlik qoğamı qwrılğan bolatın. Bwl qoğamdıq wyımnıñ bastı maqsatı elgen kelgen qandastardı Qazaqstan ömirine beyimdeu, Elbasınıñ, "Nwr otan" partiyasınıñ siltegen dwrıs bağıtı boyınşa jwmıs isteu bolatın.

Jaqında däl osı «Otandastar qorı» KEAQ prezidenti Nwrtay Äbiqaev şetelde twratın qandastar üşin asa quanıştı äri jağımdı jañalıqpen bölisti. «Otandastar qorı» endi «Qazaqtelekom» akcionerlik qoğamımen birlesip jwmıs istemek. Bwl turalı «Otandastar qorı» KEAQ prezidenti Nwrtay Äbiqaev pen «Qazaqtelekom» AQ basqarma törağası Quanışbek Esekeev arasında jasalğan äriptestik memorandumda aytıldı. Bwl memorandum boyınşa, endi älem elderindegi qandastarımızğa arnalğan Biregey Baylanıs-ortalığı birıñğay qızmeti iske qosıladı.

Bwl qwjat boyınşa, eki tarap arasındağı seriktestik qatınas qalıptasadı, sol arqılı jaña jobanı jüzege asıru jäne Baylanıs-ortalıqqa tehnikalıq qoldau körsetu qamtamasız etiledi.

Taraptardıñ mindeti: «Qazaqtelekom» AQ seriktes retinde Baylanıs-ortalığın wyımdastıruğa arnalğan bağdarlamalıq jäne apparattıq jaraqtandırudıñ qajetti spektrin wsınadı. Anıqtap aytqanda, bwl tarap Baylanıs-ortalıqtıñ operatorların wsınu, bağdarlamalıq jaraqtandıru, baylanıs telefondarı jelileri jäne jaña tehnologiyalardı qoldanudı qamtamasız etedi. Oğan qosa, qazaqstandıq wyalı operatorlar nomerlerinen aqısız qoñırau şaluğa mümkindik bermek.

Bwl qızmet bolaşaqta elimizde jappay qoldanısqa enip jatqan «bir tereze» qağidatı boyınşa jwmıs jasamaq. «Bir tereze» qağidatına köşen Baylanıs-ortalığı qızmeti şetelden kelgen qandastar üşin "oralman" kuäligin alu, Qazaqstan azamattığın alu, memlekettik kömekke qol jetkizu jäne olardı jwmıspen qamtu, aymaqtıq kvotalar bölu qatarlı öte köptegen mäseleler boyınşa keñes beretin boladı. Bwdan da mañızdısı, Biregey Baylanıs-ortalığı otandastarğa kömek körsetudi közdeytin bağdarlamalar äzirleu jwmısın jeñildetu üşin, aqparattardı jinaqtauğa jäne taldau jasauğa negiz boludı közdep otır.Bir sözben aytqanda, bwl qızmet eldegi eñ üzdik äleumettik joba bolmaqşı.

Quanışbek Esekeev, «Qazaqtelekom» AQ Basqarma törağası

- Biz atalmış memorandum boyınşa äriptestik ayasında tiimdi, özara ıntımaqtastıqqa arnalğan qolaylı şarttar jasauğa wmtılatın bolamız. Atalmış joba ülken äleumettik mänge ie, biz oğan qatısa otırıp, infraqwrılımdıq mul'tiservistik operator retinde, atalmış jobanıñ damuına qosatın ülesimizdiñ mañızdılığın tüsinemiz.

Al «Otandastar qorı» KEAQ öz tarapınan qandastarğa kerekti kömekterdiñ bäriniñ qoldanıstağı türlerin Biregey Baylanıs-ortalığında şoğırlandırudı öz mindetine aladı. Eki taraptıñ mwnday kelisimşartınıñ bastı maqsatı qoldanuşıları bizdiñ otandastar bolıp tabılatın tehnologiyalardı ilgeriletu jäne biznes aşu mäseleleri boyınşa keñestik kömek wsınu ekenin ayta keteyik.

Nwrtay Äbiqaev, «Otandastar qorı» KEAQ Prezidenti

- Bügingi tañda QR Twñğış Prezidenti - Elbası N.Ä. Nazarbaevtıñ tapsırması boyınşa irgesi qalanğan «Otandastar qorı» tarihi Otandarına oralğan, sonday-aq şetelderde twratın otandastarğa kömek pen qoldau körsetuge bağıttalğan birqatar jobalardı jüzege asıruda. Qordıñ negizgi mindetteriniñ biri Qazaqstanğa oralğanda otandastarımızğa beyimdelulerine jäne äleumettenulerine is jüzinde kömektesu. Bwl jağdayda Biregey Baylanıs-ortalığı qızmetin qwru özine qajetti kömekti şoğırlandırıp ğana qoymay, sonımen qatar oralmandar men şeteldegi diasporalar mäselelerin sapalı şeşu boyınşa memlekettik bağdarlamalar men şaralardı äzirleuge arnalğan aqparattıñ közine aynaludı közdeydi. Mwnday qızmettiñ payda boluı memlekettiñ otandastarğa kömek körsetu degen közqarasınıñ deñgeyin körsetu. Bügingi «Qazaqtelekommen» äriptestikte wyımdastırılğan Biregey Baylanıs-ortalığınıñ tehnikalıq aşıluı, bolaşaqta arnayı memlekettik bağdarlama türinde  nıq jüyelik sipatqa ie bolatın, bizdiñ taraptan otandastarğa qoldau körsetudiñ  is jüzindegi äreketterimizdiñ tağı da bir qadamı boladı.

Söz soñında Baylanıs-ortalığı qızmetiniñ qoldanu erejesin tüsindire keteyik. Bwl qızmet 1404 (wyalı qoñıraular üşin), 8-800-080-1404 (Qazaqstan boyınşa qoñıraular üşin), +7 (7172) 981404 (Qazaqstan jäne şetelden şalınatın qoñıraular üşin) nömirleri boyınşa qoljetimdi boladı. Osı qızmet boyınşa, qajetti dayındıq jwmıstarı ayaqtalıp, tehnikalıq iske qosu jüzege astı.

Odan da jaqsısı, bwl qızmet keleşekte öz qoldanuşılarına WhatsApp jäne Telegram messendjerleri arqılı kommunikaciyanıñ qosımşa arnalardı wsınudı közdep otır. Oğan qosa Skype qoñıraularğa arnalğan qwralınıñ kömegimen de keñes aluğa boladı deydi jauaptı adamdar.

Elbasınıñ tikeley bastamasınıñ arqasında täuelsizdik jıldarı özge şetelderden Qazaqstanğa (1991 jıl men 2018 jıl aralığında – QR EHÄQM derekteri) bir millionnan astam qandasımız qonıs audarğan eken. Osıdan-aq, Elbası Nwrswltan Nazarbaevtiñ täuelsizdik alğan bette şeteldegi qandastardı ne üşin elge şaqırğanın añğaruğa bolatın sekildi. Bwl egemen eldiñ erteñi üşin asa paydalı şeşim. Elbasınıñ köregen köşbasşılıq közqarastarınıñ bir parası deuge boladı. Osı igi jwmıstı jandandıru maqsatanda qolğa alınıp jatqan Baylanıs-ortalığı qızmeti asa qajetti kezinde jüzege asıp jatır. Ayta keterligi, eki tarap arasındağı seriktestik 2022 jılğa deyin jalğasadı dep josparlanıp otır.

Abai.kz

2 pikir