بەيسەنبى, 22 تامىز 2019
1357 2 پىكىر 22 ءساۋىر, 2019 ساعات 11:39

«وتانداستار قورى» كەاق قولعا العان يگى ءىس

ەلىمىز ەگەمەندىك الىپ، ءوز الدىنا تۋ تىككەن كۇننەن باستاپ جان-جاقتى دامىعان الەۋەتتى ەل بولۋ ءۇشىن كوپتەگەن جۇمىستار اتقارىلدى. قازاقستاننىڭ بۇگىنگى جەتكەن جەتىستىگىن ەلىمىزدىڭ تۇڭعىش پرەزيدەنتى ەلباسى نۇرسۇلتان نازارباەۆتىڭ ەڭبەگىنەن بولە قاراۋ مۇمكىن ەمەس. ەلباسى ەگەمەن ەلدىڭ ەرتەڭىن نۇرلى ەتۋ ءۇشىن قولدان كەلگەننىڭ ءبارىن جاسادى. سول يگى شارالاردىڭ ءبىرى شەتەلدەردە جۇرگەن قانداستاردى ەلگە شاقىرۋ ءىسى بولاتىن.

يگى ماقساتقا تۋرا جۇرگەن جەتەدى دەيدى. بابادان قالعان بايتاق ولكەنى باسقالاردىڭ تابانىنا تاپتاتپاي، بولاشاق ۇرپاققا ۇلاعاتتى ۇلتتىق بولمىسىمىزبەن قالتىرۋ، بولاشاقتا قازاق ەلىن قارا ورمان عالامنىڭ قۋاتتى جولبارىسىنا اينالدىرۋ ءبىزدىڭ ەلدىڭ باستى ماقساتى! وسى باعىتقا جاڭىلدىرماي باعىت سىلتەر تەمىرقازىق جۇلدىزىمىز، جەتەلەر جەبەۋشىمىز - ەلباسىمىزدىڭ دارا جولى ەكەنى ءسوزسىز..

وسىدان وتىز جىل بۇرىن، ەگەمەندىكتىڭ ەل تۋىن ەندى عانا قولىنا العان جاس قازاقستاننىڭ ەرتەڭىنىڭ ەرەجەسى، بولاشاعىنىڭ كەپىلى بولعان ەلباسى نۇرسۇلتان ءابىشۇلىنىڭ باستامالارى ەكەنى بارىمىزگە بەلگىلى. 1992 جىلى تۇڭعىش كەزەكتى دۇنيەجۇزى قازاقتارىنىڭ قۇرىلتايىن شاقىرىپ، الەمنىڭ ءار تۇكپىرىنەن قانداستاردى ەلگە شاقىرۋداعى باستى ماقساتتىڭ ءوزى تاۋەلسىز قازاقستاندى الەۋەتتى ەلگە اينالدىرۋدىڭ قامى بولاتىن. سول باعىتتا تىنباي جاسالعان ۇزاق ۋاقتتىق جۇمىستاردىڭ ارقاسىندا شيرەك عاسىردا ەلىمىزگە كەلگەن قانداستاردىڭ ءوزى ءبىر شوعىر ەلگە اينالىپ ۇلگەردى.

وسى جۇمىستاردى ءارى قاراي قارقىندى جۇرگىزۋ ءۇشىن 2018 جىلى دۇنيەجۇزى قازاقتارى قاۋىمداستىعىمەن سەلبەسە جۇمىس ىستەيتىن «وتانداستار قورى» كوممەرتسيالىق ەمەس اكتسيونەرلىك قوعامى قۇرىلعان بولاتىن. بۇل قوعامدىق ۇيىمنىڭ باستى ماقساتى ەلگەن كەلگەن قانداستاردى قازاقستان ومىرىنە بەيىمدەۋ، ەلباسىنىڭ، "نۇر وتان" پارتياسىنىڭ سىلتەگەن دۇرىس باعىتى بويىنشا جۇمىس ىستەۋ بولاتىن.

جاقىندا ءدال وسى «وتانداستار قورى» كەاق پرەزيدەنتى نۇرتاي ابىقاەۆ شەتەلدە تۇراتىن قانداستار ءۇشىن اسا قۋانىشتى ءارى جاعىمدى جاڭالىقپەن ءبولىستى. «وتانداستار قورى» ەندى «قازاقتەلەكوم» اكتسيونەرلىك قوعامىمەن بىرلەسىپ جۇمىس ىستەمەك. بۇل تۋرالى «وتانداستار قورى» كەاق پرەزيدەنتى نۇرتاي ابىقاەۆ پەن «قازاقتەلەكوم» اق باسقارما توراعاسى قۋانىشبەك ەسەكەەۆ اراسىندا جاسالعان ارىپتەستىك مەموراندۋمدا ايتىلدى. بۇل مەموراندۋم بويىنشا، ەندى الەم ەلدەرىندەگى قانداستارىمىزعا ارنالعان بىرەگەي بايلانىس-ورتالىعى بىرىڭعاي قىزمەتى ىسكە قوسىلادى.

بۇل قۇجات بويىنشا، ەكى تاراپ اراسىنداعى سەرىكتەستىك قاتىناس قالىپتاسادى، سول ارقىلى جاڭا جوبانى جۇزەگە اسىرۋ جانە بايلانىس-ورتالىققا تەحنيكالىق قولداۋ كورسەتۋ قامتاماسىز ەتىلەدى.

تاراپتاردىڭ مىندەتى: «قازاقتەلەكوم» اق سەرىكتەس رەتىندە بايلانىس-ورتالىعىن ۇيىمداستىرۋعا ارنالعان باعدارلامالىق جانە اپپاراتتىق جاراقتاندىرۋدىڭ قاجەتتى سپەكترىن ۇسىنادى. انىقتاپ ايتقاندا، بۇل تاراپ بايلانىس-ورتالىقتىڭ وپەراتورلارىن ۇسىنۋ، باعدارلامالىق جاراقتاندىرۋ، بايلانىس تەلەفوندارى جەلىلەرى جانە جاڭا تەحنولوگيالاردى قولدانۋدى قامتاماسىز ەتەدى. وعان قوسا، قازاقستاندىق ۇيالى وپەراتورلار نومەرلەرىنەن اقىسىز قوڭىراۋ شالۋعا مۇمكىندىك بەرمەك.

بۇل قىزمەت بولاشاقتا ەلىمىزدە جاپپاي قولدانىسقا ەنىپ جاتقان «ءبىر تەرەزە» قاعيداتى بويىنشا جۇمىس جاساماق. «ءبىر تەرەزە» قاعيداتىنا كوشەن بايلانىس-ورتالىعى قىزمەتى شەتەلدەن كەلگەن قانداستار ءۇشىن "ورالمان" كۋالىگىن الۋ، قازاقستان ازاماتتىعىن الۋ، مەملەكەتتىك كومەككە قول جەتكىزۋ جانە ولاردى جۇمىسپەن قامتۋ، ايماقتىق كۆوتالار ءبولۋ قاتارلى وتە كوپتەگەن ماسەلەلەر بويىنشا كەڭەس بەرەتىن بولادى. بۇدان دا ماڭىزدىسى، بىرەگەي بايلانىس-ورتالىعى وتانداستارعا كومەك كورسەتۋدى كوزدەيتىن باعدارلامالار ازىرلەۋ جۇمىسىن جەڭىلدەتۋ ءۇشىن، اقپاراتتاردى جيناقتاۋعا جانە تالداۋ جاساۋعا نەگىز بولۋدى كوزدەپ وتىر.ءبىر سوزبەن ايتقاندا، بۇل قىزمەت ەلدەگى ەڭ ۇزدىك الەۋمەتتىك جوبا بولماقشى.

قۋانىشبەك ەسەكەەۆ، «قازاقتەلەكوم» اق باسقارما توراعاسى

- ءبىز اتالمىش مەموراندۋم بويىنشا ارىپتەستىك اياسىندا ءتيىمدى، ءوزارا ىنتىماقتاستىققا ارنالعان قولايلى شارتتار جاساۋعا ۇمتىلاتىن بولامىز. اتالمىش جوبا ۇلكەن الەۋمەتتىك مانگە يە، ءبىز وعان قاتىسا وتىرىپ، ينفراقۇرىلىمدىق مۋلتيسەرۆيستىك وپەراتور رەتىندە، اتالمىش جوبانىڭ دامۋىنا قوساتىن ۇلەسىمىزدىڭ ماڭىزدىلىعىن تۇسىنەمىز.

ال «وتانداستار قورى» كەاق ءوز تاراپىنان قانداستارعا كەرەكتى كومەكتەردىڭ ءبارىنىڭ قولدانىستاعى تۇرلەرىن بىرەگەي بايلانىس-ورتالىعىندا شوعىرلاندىرۋدى ءوز مىندەتىنە الادى. ەكى تاراپتىڭ مۇنداي كەلىسىمشارتىنىڭ باستى ماقساتى قولدانۋشىلارى ءبىزدىڭ وتانداستار بولىپ تابىلاتىن تەحنولوگيالاردى ىلگەرىلەتۋ جانە بيزنەس اشۋ ماسەلەلەرى بويىنشا كەڭەستىك كومەك ۇسىنۋ ەكەنىن ايتا كەتەيىك.

نۇرتاي ابىقاەۆ، «وتانداستار قورى» كەاق پرەزيدەنتى

- بۇگىنگى تاڭدا قر تۇڭعىش پرەزيدەنتى - ەلباسى ن.ءا. نازارباەۆتىڭ تاپسىرماسى بويىنشا ىرگەسى قالانعان «وتانداستار قورى» تاريحي وتاندارىنا ورالعان، سونداي-اق شەتەلدەردە تۇراتىن وتانداستارعا كومەك پەن قولداۋ كورسەتۋگە باعىتتالعان بىرقاتار جوبالاردى جۇزەگە اسىرۋدا. قوردىڭ نەگىزگى مىندەتتەرىنىڭ ءبىرى قازاقستانعا ورالعاندا وتانداستارىمىزعا بەيىمدەلۋلەرىنە جانە الەۋمەتتەنۋلەرىنە ءىس جۇزىندە كومەكتەسۋ. بۇل جاعدايدا بىرەگەي بايلانىس-ورتالىعى قىزمەتىن قۇرۋ وزىنە قاجەتتى كومەكتى شوعىرلاندىرىپ عانا قويماي، سونىمەن قاتار ورالماندار مەن شەتەلدەگى دياسپورالار ماسەلەلەرىن ساپالى شەشۋ بويىنشا مەملەكەتتىك باعدارلامالار مەن شارالاردى ازىرلەۋگە ارنالعان اقپاراتتىڭ كوزىنە اينالۋدى كوزدەيدى. مۇنداي قىزمەتتىڭ پايدا بولۋى مەملەكەتتىڭ وتانداستارعا كومەك كورسەتۋ دەگەن كوزقاراسىنىڭ دەڭگەيىن كورسەتۋ. بۇگىنگى «قازاقتەلەكوممەن» ارىپتەستىكتە ۇيىمداستىرىلعان بىرەگەي بايلانىس-ورتالىعىنىڭ تەحنيكالىق اشىلۋى، بولاشاقتا ارنايى مەملەكەتتىك باعدارلاما تۇرىندە  نىق جۇيەلىك سيپاتقا يە بولاتىن، ءبىزدىڭ تاراپتان وتانداستارعا قولداۋ كورسەتۋدىڭ  ءىس جۇزىندەگى ارەكەتتەرىمىزدىڭ تاعى دا ءبىر قادامى بولادى.

ءسوز سوڭىندا بايلانىس-ورتالىعى قىزمەتىنىڭ قولدانۋ ەرەجەسىن تۇسىندىرە كەتەيىك. بۇل قىزمەت 1404 (ۇيالى قوڭىراۋلار ءۇشىن), 8-800-080-1404 (قازاقستان بويىنشا قوڭىراۋلار ءۇشىن), +7 (7172) 981404 (قازاقستان جانە شەتەلدەن شالىناتىن قوڭىراۋلار ءۇشىن) نومىرلەرى بويىنشا قولجەتىمدى بولادى. وسى قىزمەت بويىنشا، قاجەتتى دايىندىق جۇمىستارى اياقتالىپ، تەحنيكالىق ىسكە قوسۋ جۇزەگە استى.

ودان دا جاقسىسى، بۇل قىزمەت كەلەشەكتە ءوز قولدانۋشىلارىنا WhatsApp جانە Telegram مەسسەندجەرلەرى ارقىلى كوممۋنيكاتسيانىڭ قوسىمشا ارنالاردى ۇسىنۋدى كوزدەپ وتىر. وعان قوسا Skype قوڭىراۋلارعا ارنالعان قۇرالىنىڭ كومەگىمەن دە كەڭەس الۋعا بولادى دەيدى جاۋاپتى ادامدار.

ەلباسىنىڭ تىكەلەي باستاماسىنىڭ ارقاسىندا تاۋەلسىزدىك جىلدارى وزگە شەتەلدەردەن قازاقستانعا (1991 جىل مەن 2018 جىل ارالىعىندا – قر ەحاقم دەرەكتەرى) ءبىر ميلليوننان استام قانداسىمىز قونىس اۋدارعان ەكەن. وسىدان-اق، ەلباسى نۇرسۇلتان نازارباەۆتىڭ تاۋەلسىزدىك العان بەتتە شەتەلدەگى قانداستاردى نە ءۇشىن ەلگە شاقىرعانىن اڭعارۋعا بولاتىن سەكىلدى. بۇل ەگەمەن ەلدىڭ ەرتەڭى ءۇشىن اسا پايدالى شەشىم. ەلباسىنىڭ كورەگەن كوشباسشىلىق كوزقاراستارىنىڭ ءبىر پاراسى دەۋگە بولادى. وسى يگى جۇمىستى جانداندىرۋ ماقساتاندا قولعا الىنىپ جاتقان بايلانىس-ورتالىعى قىزمەتى اسا قاجەتتى كەزىندە جۇزەگە اسىپ جاتىر. ايتا كەتەرلىگى، ەكى تاراپ اراسىنداعى سەرىكتەستىك 2022 جىلعا دەيىن جالعاسادى دەپ جوسپارلانىپ وتىر.

Abai.kz

2 پىكىر