Senbi, 20 Şilde 2019
Kübirtke 2376 18 pikir 22 Säuir, 2019 sağat 14:09

Jastar jılındağı wran: “Ot pravdı ne ubejiş'”...

Keşe Almatıda 17 mıñ adamnıñ qatısuımen jügiruden jalpıhalıqtıq marafon ötti. Qatısuşılardıñ işinde aldağı saylauğa qatıstı öz oyların bildirgen jastar da bolğan. Olar köşege “ot pravdı ne ubejiş'”, “ädil saylau üşin”, “u menya est' vıbor” degen jazuları bar plakattardı ilip qoydı.

Alayda, policiya ol jastardı wstap, Äsiya Tölesova men Beybarıs Tolımbaevqa "beybit jiın ötkizu tärtibin bwzdı" degen ayıp tağıp, 15 künge abaqtığa qamadı. Bwl jağdayğa qatıstı İİM Erlan Twrğımbaev: “Tolımbekov (keybir derekte Tolımbaev dep aytıladı) pen Tölesova plakat jayıp, "miting, jiın jäne şeru ötkizu turalı" turalı zañdı bwzdı. Onıñ üstine plakattı jayğan kezde adamdardıñ oğan köñili bölinip, suretke, videoğa tüsire bastağan. Osılayşa marafondı ötkizuge kedergi keltirdi. Osıdan keyin olar wstalıp, sotqa jetkizildi. Sot şeşimimen 15 täulikke qamaldı", - dedi.

(oñ jaqta birinşi twrğan Ä.Tölesova)

Al, Äsiya Tölesova Vlast.kz saytına bergen swhbatında, osı äreketi arqılı köptiñ nazarın saylauğa audartqısı kelgenin, Qazaqstandağı saylauda tañdau joq ekenin aytqan. Jäne, ol “bilik problemadan qaşpay, onımen küresui kerek” deydi.

Şın mäninde, Äsiyanıñ sözderiniñ jalğanı joq. Täuelsizdik alğan jıldan beri özgermegen bir ğana sayasi jüye saylaudağı adam qwqığın ayaqqa taptap kelgeni jasırın emes. Äytpese, örkenietti elderdiñ qay Prezidenti saylauda 99% dauıs jinaydı. Damığan qay elde studentter men mektep mwğalimderin bir ğana adamğa dauıs beruge mäjbürleydi? Öz pikirin aytqan jastardı qudalau da demokratiyağa aparatın jol emes. Juırda ğana Astana qalasınıñ Nur-Sultan bolıp özgeruine qarsı pikir bildirgen kolledj studenti de eskertu alıp, oqudan şığarılğan edi. Alayda, kolledj basşılığı ol studenttiñ qaytadan oquğa qabıldanğanın mälimdedi. Jalpı, örkenietti qoğamda adamnıñ oy erkindigi men söz erkindigin şekteu – adam qwqığın ayaqqa taptau. Al, adam qwqığı ayaqastı bolğan qoğamda demokratiyanıñ bolmaytını aqiqat.

Al, "jastar jılı" dep jalaulatqan biliktiñ jastardı qudalap, abaqtığa qamağanı tipti tüsiniksiz...

Aytpaqşı, wstalğan belsendi Äsiya Tölesova jır qwlageri İliyas Jansügirov pen qoğam qayratkeri Oraz Jandosovtıñ şöberesi bolıp keledi. (İ.Jansügirovtıñ qızı Il'fa Jansügirova men O.Jandosovtıñ wlı Sanjar Jandosov erli-zayıptı bolğan.Il'fa men Sanjardıñ qızı Janar Jandosova - Äsiyanıñ anası). Stalindik repressiyanıñ qwrbanı bolıp, jazıqsız atılıp ketken qos arıstıñ wrpağı endi täuelsizdik kezinde qudalau körip otır. Sonda, bizdiñ qwqıq qorğauşılardıñ Alaş arıstarın atqan NKVD nıñ jendetterinen ne ayırmaşılığı bar?

Tüyin.

Küni keşe Ukraina demokratiyalıq jolmen saylau ötkizip, öz tañdauların jasadı. Bwl saylau Qazaqstan azamattarın da bey-jay qaldırmadı. Basım köpşiligi Ukraina qoğamınıñ aşıqtıqqa, europağa bet bwrğan batıldığına riza bolıp jattı.

Däl osı küni bizdiñ bilik öz pikirin bildirgen jastardı qudalap, abaqtığa qamadı. Osılayşa, bir şekpennen şıqqan eki memleket eki türli qadamğa bardı. Al, osı eki qadamnıñ qaysısı dwrıs ekenin bizdiñ bilik äli tüsinbeytin sekildi...

Nwrbike Bekswltanqızı

Abai.kz

 

18 pikir