Ótkelde at auystyrma
Biz ukrain halqyna alghys aitugha mindettimiz. Olar bәlky Qazaq jerine baghyttaluy tiyis bolghan Resey soqqysyn ózderine qabyldady. Mine, 5 jyl shyghysynda soghys jýrip jatyr.
Soltýstiktegi agressor taghy bir súmdyqty búl elge dayyndap otyr. Resey LNR men DNR túrghyndaryna Resey pasportyn taratudy jenildetpek. Búl degenimiz belgili ssenariy. "Olar Resey azamattary, biz olardyng qyryluyna jol bermeymiz" degen jeleumen erteng Resey resmy týrde әsker kirgizuge mýmkindik alady. Sóitip Ukrainanyng shyghysyn tolyqtay tartyp alyp, ózderine qosady. Búghan deyin talay eldi sóitip bólshektegen bolatyn.
Búl ssenariyge bizding Resey kanaldaryna miy ulanyp qalghandar shynymen senip qalady. "Olardyng óz tandauy", "óz últyn qorghaugha Resey qúqyly" dep quyp otyrady artynan. Olargha týsindiru mýmkin emes, óitkeni maqtabas. Biraq ol maqtabastar Reseyge kelgende óz últyn qoghaugha qúqyly degenmen, qazaqqa kelgende olay oilamaydy. Oghan tar qapasta qyrylghan Qytaydaghy qazaq jayly tis jarmauy dәlel.
Biraq Qazaq osydan sabaq alugha tiyis. Soltýstikti myghymdau kerek. Dereu kóshti eselep arttyryp, shetten kelgen qandasqa bar jaghdaydy jasap, sonda qonystandyru lazym. Biz búl júmysty bastadyq, biraq әli qarqyny tym az. Qazaqstanda qos azamattyqqa jol joq, osy ereje eshqashan ózgermeui tiyis.
Dana halqymyz "ótkelde at auystyrma" deytin edi. Ukraina ýlken asu men ótkel ýstinde jana basshy tandap jatyr. Dúrys shyghar. Biraq jerining bir qarysyn qas jauyna berip qoysa, onday tandaudyng keregi shamaly bolmaq.
Tәuelsiz Ukraina jasasyn. Aybyndy әskeri kez kelgen bólshekteu әreketine qarqyndy jauap qatsyn dep tileymin.
Ashat Qasenghalidyng facebook paraqshasynan
Abai.kz
