Särsenbi, 18 Qırküyek 2019
Qoğam 2517 8 pikir 14 Mamır, 2019 sağat 14:02

Teledebat tikeley efirde ötui mümkin

Qazaqstan prezidenttigine ümitkerlerdiñ teledebatı tikeley efirde ötui mümkin. Bwl turalı QR Aqparat jäne qoğamdıq damu ministri Däuren Äskerbekwlı ayttı. 

"Qazirgi uaqta meniñ biluimşe, teledebat ötedi. Tipti ol tikeley efirde ötui mümkin" depti Däuren Abaev Ükimet üyiniñ dälizinde twrıp.

Esteriñizge sala keteyik, Qazaqstan prezidenttigine ümitkerlerdiñ ügit-nasihat jwmıstarı 11 mamır küni keşki sağat 18:00-de bastalğan bolatın. Ol 7 mausım tüngi sağat 00:00-de ayaqtaladı. Al 8 mausım ünsizdik küni. Bwl küngi kez kelgen ügit jwmısı zañsız dep tanıladı. Saylau 9 mausımğa belgilengen. Dauıs beru ayaqtalğannan keyin 12 sağat işinde byuletender sanalıp, qorıtındı şığarıladı.

Al kandidattardı tirkeu uaqıtınan bwrın ayaqtalğan. Osığan deyin Ortalıq saylau komissiyası 7 adamdı ümitker retinde tirkep, kandidat kuäligin tapsırğan. Olar:

Qasım-Jomart Toqaev (Nwr Otan partiyasınan),

Sädibek Tügel (Wlı Dala Qırandarı wyımınan),

Amangeldi Taspihov (Käsipodaqtar federaciyasınan),

Daniya Espaeva (Aq jol partiyasınan),

Töleutay Raqımbekov (Auıl partiyasınan),

Jambıl Ahmetbekov (Kommunister partiyasınan),

Ämirjan Qosanov (Wlt tağdırı qozğalısınan).

Eskertu, ümitkerlerdiñ tizimi olardıñ kandidattıqqa resmi tirkelu reti boyınşa jazıldı.

Abai.kz

8 pikir