Jeksenbi, 25 Tamız 2019
Sayasat 849 1 pikir 15 Mamır, 2019 sağat 10:41

Mayk Pompeo men Vladimir Putin Soçide kezdesti

Soçide seysenbi küni keşkisin AQŞ memlekettik hatşısı Mayk Pompeo men Resey prezidenti Vladimir Putinniñ kezdesui ötti.

Putinniñ kömekşisi YUriy Uşakovtıñ sözinşe, kezdesu bir jarım sağatqa sozılğan. Putin men Pompeo Siriya, Liviya, Venesuela, Soltüstik Koreyadağı jağday men Resey jäne AQŞ arasındağı zımıran jönindegi kelisimderdi talqılağan.

Kezdesu barısında Ukraina men adam qwqıqtarı söz bolmağan. Uşakovtıñ aytuınşa, kezdesu aytarlıqtay nätije bermegen, biraq Vaşingtonnıñ "iske beyimdelui" bayqaladı.

Kezdesuge Resey sırtqı ister ministri Sergey Lavrov pen sırtqı barlau qızmetiniñ direktorı Sergey Narışkin de qatısqan.

Kezdesu qorıtındısı boyınşa amerikalıq tarap äli tüsinikteme bermedi.

Putin memlekettik hatşığa "Resey AQŞ-pen qarım-qatınastı qalpına keltirgisi keledi" degen. Putinniñ pikirinşe, qazir bwğan qajetti jağday jasalınıp jatır. Resey prezidenti sonımen birge arnayı prokuror Robert Myullerdiñ AQŞ-tağı prezident saylauına Reseydiñ aralasuı jönindegi tergeu qorıtındısın "ob'ektivti" dep atağan.

Abai.kz

1 pikir