Men de qazaqpyn. Biraq óz qazaghymnyng keybir minezderi mýlde únamaydy. Eng jamany bir-birine qayyrymsyz, meyrimsiz, qatygez. Itshe yryldasqanyn qoyshy, qolynan kelse bir-birin itshe talaghysy kelip túrady. Itshe talap ta jýr...

Bir-birining kónilin qaldyrudy, jan-jýregin jaralaudy, bir-birin ayaqtan shaludy, birin-biri týrtpekteudi, bir-birine syn sadaghyn qadaudy, bir-birining alqymynan aludy, jagha jyrtysudy, aitysyp-tartysudy, qolynda biyligi barlary әlsizin jýndey týtudi әli jalghastyryp kele jatyr... Meyirim, qayyrym, adamgershilik siyaqty asyl qasiyetterden aiyrylyp baramyz… Oghan mysaldy alystan izdeuding keregi de joq. Osy feysbukting ózinde bir-birimizge qalam-qaru kezenip, «oqty» qarsha boratyp, «atysamyz» da jatamyz. Bir-birimizge bitispes, mәngilik maydan ashyp alghan sekildimiz!.. Keyde qolymyzgha qaru berse, ne bolar edi dep oilaymyn... Oilaymyn da, janym jabyrqau tartady...

Mine, osylay qashanda ózimizben-ózimiz jaq-jaq bolyp aitysyp-tartysamyz da jatamyz. Bir-birimizge or qazamyz, qaqpan qúramyz, jargha iyteremiz... Bir-birimizdi ayamaymyz. Kerek bolsa, kór qazyp, jerge tyghyp jiberuge dayyn túramyz... Bir-birimizdi bauyrym dep qúshaqqa basqannan, ózekke tepkendi jaqsy kóremiz. Sodan lәzzat alamyz, janymyz rahattanady... Sony ózimizshe mәrtebe sanaymyz.

Ortamyzdan suyrylyp shyghyp, oza shauyp bara jatqan adamdy kýndep, "sýrinse eken, qúlasa eken, omaqasa jyghylsa eken" dep mysyqtileulenip otyramyz. Qoldaghannyng ornyna, ishtarlyq tanytyp, bәrimiz jabylyp, aghash atqa otyrghyzugha kýsh salamyz. Otyrghyzyp qoyamyz da...

Qyzmet, shen-shekpen, orden-medali ýshin bir-birin aldap-arbaghandy, arandatqandy, ayarlyq tanytqandy, týrmege toghytqandy, sottatqandy mәrtebe sanaymyz. Áy, ol sening óz bauyryng emes pe, qayta qútqarugha kýsh salmaysyng ba, jaqsylyq jasamaysyng ba, pәle-jaladan arashalap almaysyng ba?!. Sony maqtan tútpaysyng ba?!. Bir-birine keshirimshil, qorghan bolmaysyng ba?..

Qazaq nege bir-birine osynday meyirimsiz, qayrymsyz, qatygez? Auyzbirshilik joq. Altybaqan alauyz. Nege? Nege? Osy súraqtyng jauabyn tappay dal bolamyn.
Biz qaytip el bolamyz? Biz qalay últ bolamyz?.. Ózimizdi-ózimiz qúrtyp tynbaymyz ba?..
Oylanayyq, aghayyn! Oilanatyn, oyanatyn, etek-jenimizdi jinaytyn uaqyt jetti.

Evrey últyna riza bolamyn. Qayda jýrse de bir-birine jaqsylyq jasaudy, qoldaudy, qolúshyn berudi paryz sanaydy. Auyzbirshilikteri kýshti. Bir-birin jaugha bermeydi, bir-birine jamandyq jasamaydy. Tipti soghys kezining ózinde ózderining bastaryn bәigege tige otyryp, bir-birin qúqarugha kýsh salghan. Sany bizden az bolsa da, osynday asyl qasiyetterining arqasynda әlemdi biylep otyr. Al biz әli kýnge deyin ózimizdi-ózimiz biyley almay otyrmyz. Bir-birimizdi kórsetuge, ústap beruge, satqyndyq jasaugha beyim túramyz. Ony otyzynshy jyldardaghy qughyn-sýrginning tarihynan anyq bayqaugha bolady. Ótirik qylymsymanyzdar, qazir de solaymyz! Nege osyndaymyz? Biz qashan yntymaghy úiysqan, bereke-birligi jarasqan últ bolamyz?

El bolamyz desek, últ bolamyz desek, tәuelsizdigimiz bayandy bolsyn desek, eng aldymen osynday kertarpa minez-qúlyqtardan arylyp, osy jaghyn basa oilasu kerek!..
Áli de kesh emes... Oilasayyq, aghayyn!

Qazaqtyng qazaqtan basqa dosy da, qamqorshysy da, qoldaushysy da joq!
Endeshe, bir-birimizdi qoldayyq, jyly sózder aitayyq, jaqsylyq jasayyq! Bir-birimizdi «bauyrym» dep bauyrymyzgha basyp, qorghan bolyp, qamqorshylyq tanytayyq!
Bir-birimizge keshirimshil bolayyq, qadirli jamaghat! Onsyz qazaqta jarqyn bolashaq joq!

Duman Ramazannyng facebook paraqshasynan

Abai.kz