Düysenbi, 17 Mausım 2019
46 - söz 2250 18 pikir 17 Mamır, 2019 sağat 14:11

Qazaq qoğamı ülken özgeristerge wşıradı

Qazaq qoğamı soñğı 3 jılda ülken özgeristerge wşıradı. Wlttı konsolidaciyalau qarqındı jürip jatır. Bwl meni quantadı.

2016 jılğı jer mäselesi qazaqtı oyattı. 14 oblıs twtasımen bwl mäselege nazar audardı. Şerude öz talaptarın bildirgen mıñdağan qazaqtar men işki bwlqınısın üyde, äleumettik jelide bildirgen milliondağan qazaqtar boldı. Bwl mäsele bizdiñ wlttıq wyısuımızdı arttırdı.

Artınşa Qıtaydağı qazaqtıñ tauqımeti bizge barınşa aytıla bastadı. Qazaqtar tağı da bwl mäselede alañdauşılıq bildirip, birigudi negizge aldı. Bir Sayragül mäselesi är aymaq qazaqtarın jaqın aralasuğa itermeledi. Sayragüldiñ sotına qoldau bildiruge tipti Batıstan wşıp kelgen ağayındar sonıñ däleli. Qıtaydağı qazaq mäselesi wlttı bir jwdırıq boluğa negizdep jatır. Ras, soñğı uaqıtta qarqını säl bäseñdep qaldı. Alayda bwl ürdistiñ bar ekeni aqiqat.

Til üşin küres küşeydi. Jer-jerden qazaq tiline jasalğan qiyanattı videoğa tüsirip, zañ ayasında şara qabıldauın talap etken jandar köbeyude. Äleumettik mäsele tağı qazaqtı biriktirdi. Öytkeni äleumettik jağdayı naşarlardıñ köbi, öz elinde twrsa da qazaqtar.

"Qazaqtar el bolmaydı, olardıñ bası birikpeydi" degen zımiyan wrandı qazaqqa janı qastar kün sayın tastap jatır. Qazaqtar birikken sayın bwl wran da arta beredi. Öytkeni keybireuler kökböriniñ täuelsiz, azat äri quattı boluınan seskenedi. Biraq olar bir dünieni tüsinbeydi. Qazaq birigip qoyğan! Endi ol ürdis tek küşeye bermek.

Jer mäselesi, til üşin küres, Qıtaydağı qazaqtar, Qarağandı qazaqtarınıñ oyanuı jäne t.b. sonıñ aşıq körinisi. Endi mine sayasi nauqan. 9 mausımda barıp tañdau jasaymız. Kimge jasaytınıñız öz erkiñizde, tek barıñız. Azamattıq qoğamnıñ Alaş Elinde bastalğanın özgelerge körsetiñiz.

Men üşin "qazaqstandıq qoğam" degen joq. Men üşin "qazaq qoğamı" degen ğana bar. "Qazaqstandıq qoğam" qazaqı qwndılıqtar üşin kürespeydi. Onda tek "130 wlt" degen wran ğana bar. "Qazaqstandıq qoğam" qazaqtıñ janın tüsine almaydı. Al "qazaq qoğamı" jer, til, wlttıq qwndılıq, Alaş ideyası üşin kün sayın zañ ayasında küres jürgizip keledi. Bwl küresti jeñiske jetkenge deyin jürgizetin boladı.

Bizdiñ sanımız artıp keledi. Jıl sayınğı bala tuudıñ 85-90% qazaqtarğa tiesili. Endi 10 jıl biz monowlttı elge aynalamız. Demek, Qazaqstandağı barlıq sayasi mäseleni tek qazaqtar şeşetin boladı degen söz. Bwl tabiği zañdılıq.

Bizdi ruğa, dinge, wstanım men aymaqqa, sayasi közqarasqa böletinder köbeye bermek. Biraq biz bölinbeymiz. Öytkeni bizdi biriktiruşi bir qwndılıq bar. Ol - Qazaq jeri, ötken ortaq tarih jäne barlığımızdı biriktirip, bir ataumen ataytın Qazaq wltı!

Ashat Qasenğalidıñ facebook paraqşasınan

Abai.kz

18 pikir