Düysenbi, 23 Qırküyek 2019
46 - söz 5831 12 pikir 17 Mamır, 2019 sağat 14:26

"Eki sağattan keyin kiimderiñizdi auıstırıp, tağı dauıs beresizder" dedi...

Mwğalimder jäne saylau

Bayağıda, 2011 jılğı saylauda bolğan qızıq edi.

Ol kezde mektepke jaña barğan jılım, 25-tegi jalındap twrğan şaq. Saylaudan bir kün bwrın direktor konferenciya zalında jinalıs jasap, ärbir mwğalimdi saylau küngi jauaptı mindetterge qoyıp jattı. Meniñ mindetim - saylau küni koncert jürgizu boldı, saylauğa dauıs beruge kelgenderge merekelik köñil-küy sıylau. Iä, ol kezde tamada bop jürgen kez, birden kelistim, önerli oquşılardı jinap, bağdarlama jasap, ötkize berem dep uäde ettim.

Qızıq jinalıs soñına taman boldı, bar adam mindetin bölip alğan soñ biraz äriptesterge mindet bölinbey qalğan, kezek solarğa keldi. "Erteñ sizder sağat 9-ğa deyin özderiñizdiñ saylau uçaskeleriñizde dauıs berip, 9:10 kezinde mekteptiñ aldıñğı qaqpasınan kirip dauıs beresizder. Eki sağattan keyin kiimderiñizdi almastırıp, artqı qaqpadan kirip dauıs beresizder, solay bes ret qaytalanadı" dedi. "Al, iştegiler ara-arasında mümkindiginşe kirip dauıs beresizder" dep jatır. Men otırmın - "şok", al jwrt qalay kirip, qalay dauıs beru turalı äñgimege kirip ketken.

Şıdamay kettim:
- H.H. qızı, keşiriñiz, ärkim bir-aq ret, özi üşin dauıs beruge qwqılı. Ne üşin eki-üş retten? - dep qarğıp twrıp edim,
- Bärimizdiñ parızımız, jwrt saylauğa kelmey qaladı, basqa qalalarğa ketkender üşin, - dep tüsindire bastadı direktorım.
- Keşiriñiz, barlıq adamğa dauıs beruge mümkindik jasalğan, al bermese de zorlıq joq, öz tañdauı. Biraq, biz erteñ eldiñ zañınan attap, arğı küni oquşığa qalay "tärtip bwzba" dep aytamız? Biz bügin qılmıs jasap, erteñ oquşığa qalay tärbie beremiz? - dep aşuğa bulığıp kettim.
Direktor:
- Ayatjan, artınan asıqpay söyleseyik, men jinalısqa baruım kerek, - dep şığıp ketti.
Jiın däl sol jerde taradı, bäri ünsiz, ülken äriptesterim:
- Qızıqsıñ, direktorğa qarsı şığıp neñ bar? - dedi. "Menen basqası nege ündemeydi?" dep men añ-tañmın, bir-eki özim qatarlı jastarğa wrsıp aldım da, üyge keldim. Kelinşegim basqa mektepte isteytin edi, ol mekteptegi jinalısta men sekildi tentekter bolmağan, bäri "aqılmen" şeşilgen. Men küyip-pisip, aşulanıp jattım (jaspın ğoy).

Tañerteñ mektepke erte barıp, koncert jürgizip twrğam, sağat on kezinde direktordıñ oqu isi jönindegi orınbasarı qasıma kelip:
- Ayatjan ağay, "Endi oquşılar özi ötkize beredi koncertti, siz barıp demala bersin. Ädemi wyımdastırıptı, rahmet" dedi direktor, - dedi.
- Rahmet, - dep qoştastım. Negizi ol meni üyge damaldıru emes, "mektepte birdeñe büldire me?" degen alañdaudan şıqqan janaşırlıq edi. Amal joq, "demal" degesin üyge kep demaldım. Biraq, ertesi öz äriptesterime basqaşa qaray bastadım, bir-eki ay sol köñil-küyden alıstay almay, kädimgidey auırıp jürdim.

Odan beri de biraz saylau körip tastadıq, biraq, odan keyingi direktorım demokrat edi, eşkimdi mazalamadı.

Iä, alda saylau, Ömir ağaydıñ sözimen aytsaq "qwl - mağan äriptes emes", saylaudıñ adal, taza ötui bizdiñ äriptesterge de baylanıstı. Saylau turalı zañdı bir oqıp, ärkim özi üşin jäne bir-aq ret, öziniñ qalauı boyınşa ğana, özi tañdağan kandidatqa dauıs beretinin eskertkim keledi.

Bügin zañ bwzıp, erteñ aldımızdağı oquşığa tärbie sağatın ötkizip twrar ekijüzdilik - wstazğa tän qasiet emes.
Bir türli adam bolıp elestep otırmın ba?
Qattı aytsam keşiriñizder, biz qwqıqtıq, demokratiyalıq memleketpiz, ärine atazañ solay deydi, men emes.

Ayatjan Ahmetjanwlınıñ facebook paraqşasınan

Abai.kz

12 pikir