Seysenbi, 25 Mausım 2019
46 - söz 3471 17 pikir 6 Mausım, 2019 sağat 16:49

Bala tağdırımen oynap jürgenderine otız jıl boldı ğoy...

BĞM orınbasarı E. Suhanberdievanıñ 2 ayğa twtqındaluına qatıstı pikirlerdi oqıp otırıp, "Basşısı ornınan ketsin, prezident aytqan" degendi birneşe jerden bayqadım. Ötkende WBTO qızmetkerlerine qatıstı şu şıqqanda da key azamattar osılay dep edi.

K.Şamşidinovanıñ jazığı ne? - degen oy keldi. Bılıqqa batqandardıñ deni Sağadievtiñ komandasında bolğandar. Jaña ministr kelgeli solardıñ "qılığı" su betine şığa bastadı. Endi "Oqulıq" ortalığınıñ "oyının" toqtatsa?! Ol, tipten, äriden kele jatır... "Üş til!" dep wrandağanda öñeşi üzilip kete jazdağan Sağadievtiñ 13 mıñ müğalimdi ağılşınşa sayratam dep şaşqan milliardtarı şe? 2018-2020 jılğa dep osı üştildilikke 19 mlrd teñge böldiripti, onısın tağı K. Şämşidinova toqtattı. Şatpaq oqulıqtardı saraptamağa jibertti. Osı isterine qarap "bilim salasına birdeñe biletin adam keldi-au" dep edim.

Endi... "Toqaev aytqan, tayıp twrsın" degen qanşalıqtı dwrıs bolar eken. Bwrınğı bılıqqa bwrınğı basşı jauap berui kerek emes pe? "Sağadievtiñ soyqanı Şämşidinovanı şayqadı" -dep solay şeşe salsa Küläş hanım da jamanattı bolmaq. Özgeler jwqtırğan küye köpke deyin ketpeydi.

Eñ bastısı, BĞ salasına tağı bir beymälim basşı kele qalıp, lañdauı mümkin. Otız jıl boldı ğoy bala tağdırımen oynap jürgenderine.

Serik Äbikenniñ facebook paraqşasınan

Abaiz.kz

17 pikir