Jeksenbi, 16 Mausım 2019
Aymaq 5085 11 pikir 12 Mausım, 2019 sağat 15:28

Üş megapolistiñ äkimi ornın bosatadı

Prezident Qasım-Jomart Toqaev Nwr-Swltan, Almatı, Şımkent qalalarınıñ jäne oblıstardıñ äkimderi turalı jarlıqqa qol qoydı. Bwl turalı Aqordanıñ resmi saytı mälimdedi.

"Qazaqstan Respublikası Konstituciyasınıñ 87-babınıñ 5-tarmağına säykes jañadan saylanğan Qazaqstan Respublikasınıñ Prezidenti qızmetine kirisken kezde Nwr-Swltan, Almatı, Şımkent qalalarınıñ jäne oblıstardıñ äkimderi ökilettiginiñ toqtatıluına baylanıstı QAULI ETEMİN:

1. Nwr-Swltan, Almatı, Şımkent qalalarınıñ jäne oblıstardıñ äkimderi tiisti äkimder tağayındalğanğa deyin öz mindetterin atqaratın bolsın.

2. Osı Jarlıq qol qoyılğan küninen bastap qoldanısqa engiziledi", - delingen Aqordanıñ habarlamasında.

Ayta keterligi, 9 mausım küni ötken kezekten tıs prezidenttik saylauda atalğan üş qalanıñ twrğındarı dauıs beruden tömen körsetkiş körsetken bolatın.

OSK wsınğan mälimetke säykes 2019 jılğı 9 mausım sağat 20.00-degi jağday boyınşa tizimge engizilgen saylauşılardıñ 77 % saylau byulleten'derin aldı.

Olardıñ işinde:

Aqmola oblısı boyınşa –83%

Aqtöbe oblısı boyınşa – 84,6 %

Almatı oblısı boyınşa – 89 %

Atırau oblısı boyınşa – 71,2 %

Şığıs Qazaqstan oblısı boyınşa –84,5%

Jambıl oblısı boyınşa –81,3%

Batıs Qazaqstan oblısı boyınşa – 66,2 %

Qarağandı oblısı boyınşa – 77,1%

Qostanay oblısı boyınşa –84%

Qızılorda oblısı boyınşa – 77,6%

Pavlodar oblısı boyınşa –79,5%

Türkistan oblısı boyınşa –84,8%

Mañğıstau oblısı boyınşa –68,3%

Soltüstik Qazaqstan oblısı boyınşa –79,8%

Almatı qalası boyınşa –52,2%

Şımkent qalası boyınşa –67,1%

Nwr-Swltan qalası boyınşa –68,3%

Abai.kz

11 pikir