Президент Қасым-Жомарт Тоқаев Нұр-Сұлтан, Алматы, Шымкент қалаларының және облыстардың әкімдері туралы жарлыққа қол қойды. Бұл туралы Ақорданың ресми сайты мәлімдеді.

"Қазақстан Республикасы Конституциясының 87-бабының 5-тармағына сәйкес жаңадан сайланған Қазақстан Республикасының Президенті қызметіне кіріскен кезде Нұр-Сұлтан, Алматы, Шымкент қалаларының және облыстардың әкімдері өкілеттігінің тоқтатылуына байланысты ҚАУЛЫ ЕТЕМІН:

1. Нұр-Сұлтан, Алматы, Шымкент қалаларының және облыстардың әкімдері тиісті әкімдер тағайындалғанға дейін өз міндеттерін атқаратын болсын.

2. Осы Жарлық қол қойылған күнінен бастап қолданысқа енгізіледі", - делінген Ақорданың хабарламасында.

Айта кетерлігі, 9 маусым күні өткен кезектен тыс президенттік сайлауда аталған үш қаланың тұрғындары дауыс беруден төмен көрсеткіш көрсеткен болатын.

ОСК ұсынған мәліметке сәйкес 2019 жылғы 9 маусым сағат 20.00-дегі жағдай бойынша тізімге енгізілген сайлаушылардың 77 % сайлау бюллетеньдерін алды.

Олардың ішінде:

Ақмола облысы бойынша –83%

Ақтөбе облысы бойынша – 84,6 %

Алматы облысы бойынша – 89 %

Атырау облысы бойынша – 71,2 %

Шығыс Қазақстан облысы бойынша –84,5%

Жамбыл облысы бойынша –81,3%

Батыс Қазақстан облысы бойынша – 66,2 %

Қарағанды облысы бойынша – 77,1%

Қостанай облысы бойынша –84%

Қызылорда облысы бойынша – 77,6%

Павлодар облысы бойынша –79,5%

Түркістан облысы бойынша –84,8%

Маңғыстау облысы бойынша –68,3%

Солтүстік Қазақстан облысы бойынша –79,8%

Алматы қаласы бойынша –52,2%

Шымкент қаласы бойынша –67,1%

Нұр-Сұлтан қаласы бойынша –68,3%

Abai.kz