سەنبى, 20 شىلدە 2019
ايماق 6253 11 پىكىر 12 ماۋسىم, 2019 ساعات 15:28

ءۇش مەگاپوليستىڭ اكىمى ورنىن بوساتادى

پرەزيدەنت قاسىم-جومارت توقاەۆ نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرى تۋرالى جارلىققا قول قويدى. بۇل تۋرالى اقوردانىڭ رەسمي سايتى مالىمدەدى.

"قازاقستان رەسپۋبليكاسى كونستيتۋتسياسىنىڭ 87-بابىنىڭ 5-تارماعىنا سايكەس جاڭادان سايلانعان قازاقستان رەسپۋبليكاسىنىڭ پرەزيدەنتى قىزمەتىنە كىرىسكەن كەزدە نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرى وكىلەتتىگىنىڭ توقتاتىلۋىنا بايلانىستى قاۋلى ەتەمىن:

1. نۇر-سۇلتان، الماتى، شىمكەنت قالالارىنىڭ جانە وبلىستاردىڭ اكىمدەرى ءتيىستى اكىمدەر تاعايىندالعانعا دەيىن ءوز مىندەتتەرىن اتقاراتىن بولسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى", - دەلىنگەن اقوردانىڭ حابارلاماسىندا.

ايتا كەتەرلىگى، 9 ماۋسىم كۇنى وتكەن كەزەكتەن تىس پرەزيدەنتتىك سايلاۋدا اتالعان ءۇش قالانىڭ تۇرعىندارى داۋىس بەرۋدەن تومەن كورسەتكىش كورسەتكەن بولاتىن.

وسك ۇسىنعان مالىمەتكە سايكەس 2019 جىلعى 9 ماۋسىم ساعات 20.00-دەگى جاعداي بويىنشا تىزىمگە ەنگىزىلگەن سايلاۋشىلاردىڭ 77 % سايلاۋ بيۋللەتەندەرىن الدى.

ولاردىڭ ىشىندە:

اقمولا وبلىسى بويىنشا –83%

اقتوبە وبلىسى بويىنشا – 84,6 %

الماتى وبلىسى بويىنشا – 89 %

اتىراۋ وبلىسى بويىنشا – 71,2 %

شىعىس قازاقستان وبلىسى بويىنشا –84,5%

جامبىل وبلىسى بويىنشا –81,3%

باتىس قازاقستان وبلىسى بويىنشا – 66,2 %

قاراعاندى وبلىسى بويىنشا – 77,1%

قوستاناي وبلىسى بويىنشا –84%

قىزىلوردا وبلىسى بويىنشا – 77,6%

پاۆلودار وبلىسى بويىنشا –79,5%

تۇركىستان وبلىسى بويىنشا –84,8%

ماڭعىستاۋ وبلىسى بويىنشا –68,3%

سولتۇستىك قازاقستان وبلىسى بويىنشا –79,8%

الماتى قالاسى بويىنشا –52,2%

شىمكەنت قالاسى بويىنشا –67,1%

نۇر-سۇلتان قالاسى بويىنشا –68,3%

Abai.kz

11 پىكىر