Jeksenbi, 8 Jeltoqsan 2019
Alasapıran 2711 23 pikir 17 Mausım, 2019 sağat 08:49

Mitingişilerdiñ zañdı qwqıqtarı qorğaladı

QR-dağı Adam qwqıqtarı jönindegi uäkildiñ şeşimi boyınşa Nwr-swltan, Almatı, Aqmola, Qarağandı, Almatı oblıstarınıñ wlttıq aldın alu tetiginiñ (WAT) aymaqtıq toptarı tayauda ötken mitingiler barısında wstalğan azamattardı olardıñ zañdı qwqıqtarınıñ saqtaluına monitoring jürgizu maqsatında wstau orındarına jiberildi.

Jalpı alğanda, aymaqtıq toptar 20 arnayı mekemede boldı, onda baru kezinde Nwr-swltan jäne Almatı qalalarındağı mitingterge qatısqanı üşin 484 twtqınğa alınğan azamattar boldı, olarmen jeke äñgimelesuler jürgizildi.

Monitoring barısında atalğan mekemelerde twtqındalu jağdayları men äkimşiliktiñ is-äreketteri turalı jalpı şağımdar tüspegen. Wstau orındarında jetkilikti därejede azıq-tülik, medicinalıq jäne özge de kömek qamtamasız etilgen.

Sonımen qatar, ötkizilgen äñgimelesuler kezinde jeke azamattar özderiniñ qwqıqtarın bwzu turalı, atap aytqanda qamauda wstaudıñ negizdiligine, policiya bölimderinde bolu wzaqtığına jäne uaqıtşa oqşaulau orındarına jetkiziluine, sonday-aq zañ kömegine qol jetkizudiñ şekteluine qatıstı şağımdandı.

WAT aymaqtıq toptarımen jürgizilgen jwmıs wstalğan adamdardıñ ornalasqan jeri turalı tuıstarın aqparattandırudı jedeldetuge ıqpal etkenin atap ötken jön.

Monitoringtik bolulardıñ nätijeleri Memleket Basşısınıñ bergen tapsırmasına säykes azamattardıñ zañdı qwqıqtarın qamtamasız etu jöninde belgilengen tärtipte şaralar qabıldau üşin Bas prokuraturağa jiberildi.

QR Adam qwqıqtarı jönindegi uäkil apparatınıñ baspasöz qızmeti

Abai.kz

 

 

23 pikir