Senbi, 20 Şilde 2019
870 1 pikir 17 Mausım, 2019 sağat 11:28

"Qazaqstan Barısı" Aqsuatta 2 mln jeñip aldı

Tarbağatay audanında Irğızbay Dosıhanwlı atındağı qazaq küresinen ötken älemdik gran-pri sayısında qazaqstandıq Aybek Nwğımarov top jardı. Bir apta bwrın ğana Nwr-Cwltan qalasında ötken “Qazaqstan Barısı” jarısında oza şapqan baluan bwl jolı da twğırdıñ eñ biik satısınan körindi.

Älemniñ  28 elinen kelgen apaytös paluandar arasında aqtıq sında Aybekpen özbekstandıq  Mwqsin Hisamedinov ayqasqan bolatın. Jalpı finaldıq kezdesu Aybekke oñay tigen joq. Beldesu ayaqtalğannan keyin Aybek  öz oyımen bölisti.

“Qazaqstan Barısı” turnirinen keyin demalıp ülgergen joqpın. Türli basqosularğa, telearnadağı tüsirilimderge qatısıp, şarşağanımdı bayqadım. Bizdiñ öñirde ötip jatqan jarıs bolğan soñ, wyımdastıruşılar qolqa saldı. Bas tarta almadım, elimniñ namısın abıroymen qorğağanıma quanıştımın. Mağan qoldau bildirgen Aqsuat jwrtşılığına rahmet. “Twğırı biik-Tarbağatay” attı öner jäne sport festivalin ötkizip jatqan Talğat Mazbaev, Dulat Tastekeev ağalarıma alğıs bildiremin”,- dedi A.Nwğımarov.

Turnirdiñ 70, +80 keli salmaqtarında Täjikstan, Gruziya elderinen kelgen baluandar jeñiske jetti. Jeñimpazğa wyımdastıruşılar 2 mln teñge, ekinşi orınğa 1 mln, üşinşi orın alğan sportşığa 500 mıñ teñge tabıstadı. Sportşılardı ataqtı boksşı Qanat Islam, aqın Jürsin Erman, Aqsuat auılınıñ qwrmetti azamatı Twrsın Tastekeevter marapattadı.

Qazaq küresi turniri ayaqtalğannan keyin Qazaq Promotions kompaniyasınıñ wyımdastıruımen käsipqoy boks keşi ötti. Qazaqstandıq Eldiyar Qamşıbekov, Nwrlan Saparbay, Nwrswltan Amanjolov sekildi qazaq boksşıları şarşı alañğa şığıp, jinalğan jwrtşılıqtıñ delebesin qozdırdı.

Abai.kz

1 pikir