Senbi, 20 Şilde 2019
Sañlaq 887 3 pikir 24 Mausım, 2019 sağat 11:05

Almatıda Denis Tenge arnalğan memorial aşıldı

Mezgilsiz mert bolğan mänerlep sırğanauşı Denis Tenge arnap eskertkiş qoyıldı.

Tenge arnalğan memorialdıñ aşılu räsimi Almatı qalasında 22 mausım küni sağat 11:00-de ötti. Räsimge Ermahan Ibrayımov, Il'ya Il'in qatarlı tanımal sportşılar qatıstı.

Eskertkiş sportşı jaraqat alğan jer - Bäyseyitova men Qwrmanğazı köşeleriniñ qiılısında ornatıldı. Qoladan qwyılğan müsindi Qazaqstan halqına Viktor Coy eskertkişiniñ avtorı retinde belgili sankt-peterburgtik müsinşisi Denis Makuşkin jasadı. Müsinde sportşınıñ 2014 jılı Soçide ötken Olimpiada oyındarında öner körsetu säti beynelengen. Bwl Olimpiadada Denis Ten qola jülde jeñip alğan edi.

Denis Ten atındağı qor ökilderiniñ aytuınşa, bwl memorial elimizdiñ atın älemde tanıtu üşin bar küş-jigerin jwmsağan sportşığa degen halıqtıñ ülken qwrmetiniñ belgisi bolmaq.

Mänerlep sırğanauşı Denis Ten 2018 jıldıñ 19 şildesinde qaytıs boldı. Qwqıq qorğauşılardıñ anıqtauınşa, maşinasınıñ aynasın şeşip jatqan wrılarğa qarsı wmtılğan Tenge wrılar pışaq swğıp alğan. Jaraqatınan köp qan joğaltqan sportşı auruhanada köz jwmdı.

17 qañtarda Almatı qalalıq qılmıstıq ister jönindegi mamandandırılğan audanaralıq sotı sportşı Denis Tenniñ ölimine baylanıstı ayıptalğan Arman Qwdaybergenov pen Nwralı Qiyasovtı - 18 jılğa, Janar Tolıbaevanı 4 jılğa bas bostandığınan ayırğan.

Abai.kz

3 pikir