بەيسەنبى, 28 ناۋرىز 2024
3425 3 پىكىر 24 ماۋسىم, 2019 ساعات 11:05

الماتىدا دەنيس تەنگە ارنالعان مەموريال اشىلدى

مەزگىلسىز مەرت بولعان مانەرلەپ سىرعاناۋشى دەنيس تەنگە ارناپ ەسكەرتكىش قويىلدى.

تەنگە ارنالعان مەموريالدىڭ اشىلۋ ءراسىمى الماتى قالاسىندا 22 ماۋسىم كۇنى ساعات 11:00-دە ءوتتى. راسىمگە ەرماحان ىبرايىموۆ، يليا يلين قاتارلى تانىمال سپورتشىلار قاتىستى.

ەسكەرتكىش سپورتشى جاراقات العان جەر - بايسەيىتوۆا مەن قۇرمانعازى كوشەلەرىنىڭ قيىلىسىندا ورناتىلدى. قولادان قۇيىلعان ءمۇسىندى قازاقستان حالقىنا ۆيكتور تسوي ەسكەرتكىشىنىڭ اۆتورى رەتىندە بەلگىلى سانكت-پەتەربۋرگتىك ءمۇسىنشىسى دەنيس ماكۋشكين جاسادى. مۇسىندە سپورتشىنىڭ 2014 جىلى سوچيدە وتكەن وليمپيادا ويىندارىندا ونەر كورسەتۋ ءساتى بەينەلەنگەن. بۇل وليمپيادادا دەنيس تەن قولا جۇلدە جەڭىپ العان ەدى.

دەنيس تەن اتىنداعى قور وكىلدەرىنىڭ ايتۋىنشا، بۇل مەموريال ەلىمىزدىڭ اتىن الەمدە تانىتۋ ءۇشىن بار كۇش-جىگەرىن جۇمساعان سپورتشىعا دەگەن حالىقتىڭ ۇلكەن قۇرمەتىنىڭ بەلگىسى بولماق.

مانەرلەپ سىرعاناۋشى دەنيس تەن 2018 جىلدىڭ 19 شىلدەسىندە قايتىس بولدى. قۇقىق قورعاۋشىلاردىڭ انىقتاۋىنشا، ماشيناسىنىڭ ايناسىن شەشىپ جاتقان ۇرىلارعا قارسى ۇمتىلعان تەنگە ۇرىلار پىشاق سۇعىپ العان. جاراقاتىنان كوپ قان جوعالتقان سپورتشى اۋرۋحانادا كوز جۇمدى.

17 قاڭتاردا الماتى قالالىق قىلمىستىق ىستەر جونىندەگى مامانداندىرىلعان اۋدانارالىق سوتى سپورتشى دەنيس تەننىڭ ولىمىنە بايلانىستى ايىپتالعان ارمان قۇدايبەرگەنوۆ پەن نۇرالى قياسوۆتى - 18 جىلعا، جانار تولىباەۆانى 4 جىلعا باس بوستاندىعىنان ايىرعان.

Abai.kz

3 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1561
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2251
عيبىرات

قايسار رۋحتى عازيز جان

مۇحتار قۇل-مۇحاممەد 3504