Särsenbi, 17 Şilde 2019
Dat 4926 17 pikir 12 Şilde, 2019 sağat 08:00

Zeynetkerlerdiñ jinağı - byudjettiñ aqşası emes, Prezident mırza!

Qazaqstan Respublikasınıñ

 Prezidenti Q.Toqaevqa

Qwrmetti Qasım-Jomart Kemelwlı!

Elimizde soñğı kezde ekonomikalıq emes, sayasi dağdarıs beleñ alıp bara jatqanday. Oğan negizgi sebepterdiñ biri memlekettik basqaru jüyesi men qoğamdıq wyımdar jäne qoğam arasındağı baylanıstıñ qazirgi ahualı. Sizdiñ prezident bolğannan beri qoyıp kele jatqan talaptarıñızdıñ jergilikti atqaruşı orındarda tolığımen jüzege aspauında.

Jergilikti atqaruşı organdar öz jinalıstarımen, aqparat jinaqtau, uaqıtılı xattardı jabu, özderiniñ jauapkerşilik mäselelerimen, al qarapayım jwrt kündelikti kün köris mäselesimen aynalısıp ekiniñ biri sayasatker bolıp, arandatuşı azğındatuşı niettegi jandar köbeyip, elimizde jürgen wlıstar ökilderiniñ qabiletin qazaq wlt ökilderinen joğarı qoyıp, qazaqtı kemsitip, biznesterine basqalardı köp tartatın keybireulerdiñ is-äreketteri jergilikti bayırğı xalıqtıñ narazılığın tuındatuda.

Köpke topıraq şaşıp barlıq äkimder solay deuden aulaqpız. Dese de keybir äkimder "Halıqtıñ köşi qonı turalı" QR Zañın jäne onıñ maqsat müddesin müldem bilmeydi deuge boladı. Oğan negiz soñğı on jılda köptegen äkimderdiñ jıldıq esep beru jinalısında xalıqtıñ köşi-qonı turalı bir auız söz bolmağanı. Olar bwl zañdı "oralmandarğa" ğana qatıstı dep oylaydı. Sondıqtan da auıl, audan äkimderi auılına şetelden kim kelip, kim ketip jatır, olardıñ maqsatı ne, jeke basınıñ qanday müdde-qızığuşılığı bar degenge mände bermeydi.

Al köşi-qon policiya qızmetkerleri zañsız kelip eñbek etip nemese jwmıs izdeu degen jeleumen jürgen jandardı äşkerlep eline qaytaruğa ärekettene bastağanda jañağı bilik ökilderi biletin bolıp qaldıruğa yağni tiispeulerine ıqpal ete bastaydı. Bwl ömir şındığı.

Elimizde bolıp jatqan soñğı kezdegi keleñsizdikter, narazılıqtardıñ tüp tamırı däl osı "xalıqtıñ köşi qonı ürdisi boyınşa zañ talaptarın" äkimderdiñ bilmeui bilse de olar üşin eşbir jauapkerşilik jüktelmeytini. Al, ökiniştisi igiligin qolında biligi barlar körip, keleñsizdigine qarapayım xalıq duşar bolıp, narazılıqtı mülde basqa toptar tuındatuda.

Bwl jağdaydı äleumettik jelilerdiñ jıldam tarap jatqan aqparatınan oqırman qauım sağat sayın körip bilip otır. Ärkim öz deñgeyinde tüsingeni boyınşa oy-pikirlerin wsınıs-tilekterin qarşa boratıp ta jatadı. Jergilikti  jerde-aq, şeşimin tabatın mäseleler qoğamdı dürliktirip, respublika deñgeyi, tipten şeteldik BAQ aralasıp, elimizdiñ älem aldındağı bet-bedeline ıqpal etkendey küyge jetkizip, qoğamda keleñsizdikter tuındatıp jürgeni de jasırın emes. Aytayın degenim: 

1."Halıqtıñ köşi-qonı turalı" Qazaqstan Respublikası Zañınıñ öz aumağında qalay orındalıp jatqanı boyınşa jauapkerşilikti oblıs äkimderine tikeley jüktep, Prezidentke özderi jılına eki ret esep beretin bolsa. Köşi-qon degen ürdis öz deñgeyinde jüyelenip, auıl äkimderiniñ ärbir pendemen isi boyınşa jauapkerşiligi küşeyip, adamdardıñ qozğalısı, jürip-twruı,toptasuı, top qwruı, jeke bas müddesi auıldıq eldi-mekenderden bastau alıp, audan, qalalarda da ayqındalıp otıratın boladı. 

2."BJZQ" AQ qanday sebep negizde zeynetkerlerdiñ zeynetaqı şotındağı zeynetaqı jinaqtarın ay sayın 20 mıñ teñge köleminde bölip töleuge şeşim qabıldadı? Bwl mäselege de qazir zeynetkerler narazı. 18 millionğa şaqqanda azğantay ğana zeynetkerlerdiñ kezinde ay sayın özderi salğan aqşaların bir jolı qaytarıp beruge bolmaytınına ayaq-astı ne sebep boldı?!

Eşkim eşteme aytpaydı. Zeynet jasındağı ülkenderdiñ qay küni o düniege attanarın bir Alla ğana biler. Sondıqtan bir jolı tolığımen qaytarıp bere almasa, ay sayın 150-200 mıñnan berip twrsın. Halıqtı kämpitpen aldağan balağa sanap, ay sayın 20 mıñ teñge bergeni jwrttı mensinbeu degen söz. Bwl byudjetten şığatın şığın emes öz aqşaları. Zeynetkerlikke şıqpağandarı tağı ay sayın qwyıp, analardıñ ornın toltırıp otır. 

Osı eki mäselege erekşe köñil bölip şeşimin tabuına ıqpal etuiñizdi swraymın... 

İzgi nietpen Qwrmetbek Sansızbaywlı

Almatı oblısı

Abai.kz

17 pikir