دۇيسەنبى, 14 قازان 2019
دات 5809 17 پىكىر 12 شىلدە, 2019 ساعات 08:00

زەينەتكەرلەردىڭ جيناعى - بيۋدجەتتىڭ اقشاسى ەمەس، پرەزيدەنت مىرزا!

قازاقستان رەسپۋبليكاسىنىڭ

 پرەزيدەنتى ق.توقاەۆقا

قۇرمەتتى قاسىم-جومارت كەمەلۇلى!

ەلىمىزدە سوڭعى كەزدە ەكونوميكالىق ەمەس، ساياسي داعدارىس بەلەڭ الىپ بارا جاتقانداي. وعان نەگىزگى سەبەپتەردىڭ ءبىرى مەملەكەتتىك باسقارۋ جۇيەسى مەن قوعامدىق ۇيىمدار جانە قوعام اراسىنداعى بايلانىستىڭ قازىرگى احۋالى. ءسىزدىڭ پرەزيدەنت بولعاننان بەرى قويىپ كەلە جاتقان تالاپتارىڭىزدىڭ جەرگىلىكتى اتقارۋشى ورىنداردا تولىعىمەن جۇزەگە اسپاۋىندا.

جەرگىلىكتى اتقارۋشى ورگاندار ءوز جينالىستارىمەن، اقپارات جيناقتاۋ، ۋاقىتىلى xاتتاردى جابۋ، وزدەرىنىڭ جاۋاپكەرشىلىك ماسەلەلەرىمەن، ال قاراپايىم جۇرت كۇندەلىكتى كۇن كورىس ماسەلەسىمەن اينالىسىپ ەكىنىڭ ءبىرى ساياساتكەر بولىپ، ارانداتۋشى ازعىنداتۋشى نيەتتەگى جاندار كوبەيىپ، ەلىمىزدە جۇرگەن ۇلىستار وكىلدەرىنىڭ قابىلەتىن قازاق ۇلت وكىلدەرىنەن جوعارى قويىپ، قازاقتى كەمسىتىپ، بيزنەستەرىنە باسقالاردى كوپ تارتاتىن كەيبىرەۋلەردىڭ ءىس-ارەكەتتەرى جەرگىلىكتى بايىرعى xالىقتىڭ نارازىلىعىن تۋىنداتۋدا.

كوپكە توپىراق شاشىپ بارلىق اكىمدەر سولاي دەۋدەن اۋلاقپىز. دەسە دە كەيبىر اكىمدەر "حالىقتىڭ كوشى قونى تۋرالى" قر زاڭىن جانە ونىڭ ماقسات مۇددەسىن مۇلدەم بىلمەيدى دەۋگە بولادى. وعان نەگىز سوڭعى ون جىلدا كوپتەگەن اكىمدەردىڭ جىلدىق ەسەپ بەرۋ جينالىسىندا xالىقتىڭ كوشى-قونى تۋرالى ءبىر اۋىز ءسوز بولماعانى. ولار بۇل زاڭدى "ورالماندارعا" عانا قاتىستى دەپ ويلايدى. سوندىقتان دا اۋىل، اۋدان اكىمدەرى اۋىلىنا شەتەلدەن كىم كەلىپ، كىم كەتىپ جاتىر، ولاردىڭ ماقساتى نە، جەكە باسىنىڭ قانداي مۇددە-قىزىعۋشىلىعى بار دەگەنگە ماندە بەرمەيدى.

ال كوشى-قون پوليتسيا قىزمەتكەرلەرى زاڭسىز كەلىپ ەڭبەك ەتىپ نەمەسە جۇمىس ىزدەۋ دەگەن جەلەۋمەن جۇرگەن جانداردى اشكەرلەپ ەلىنە قايتارۋعا ارەكەتتەنە باستاعاندا جاڭاعى بيلىك وكىلدەرى بىلەتىن بولىپ قالدىرۋعا ياعني تيىسپەۋلەرىنە ىقپال ەتە باستايدى. بۇل ءومىر شىندىعى.

ەلىمىزدە بولىپ جاتقان سوڭعى كەزدەگى كەلەڭسىزدىكتەر، نارازىلىقتاردىڭ ءتۇپ تامىرى ءدال وسى "xالىقتىڭ كوشى قونى ءۇردىسى بويىنشا زاڭ تالاپتارىن" اكىمدەردىڭ بىلمەۋى بىلسە دە ولار ءۇشىن ەشبىر جاۋاپكەرشىلىك جۇكتەلمەيتىنى. ال، وكىنىشتىسى يگىلىگىن قولىندا بيلىگى بارلار كورىپ، كەلەڭسىزدىگىنە قاراپايىم xالىق دۋشار بولىپ، نارازىلىقتى مۇلدە باسقا توپتار تۋىنداتۋدا.

بۇل جاعدايدى الەۋمەتتىك جەلىلەردىڭ جىلدام تاراپ جاتقان اقپاراتىنان وقىرمان قاۋىم ساعات سايىن كورىپ ءبىلىپ وتىر. اركىم ءوز دەڭگەيىندە تۇسىنگەنى بويىنشا وي-پىكىرلەرىن ۇسىنىس-تىلەكتەرىن قارشا بوراتىپ تا جاتادى. جەرگىلىكتى  جەردە-اق، شەشىمىن تاباتىن ماسەلەلەر قوعامدى دۇرلىكتىرىپ، رەسپۋبليكا دەڭگەيى، تىپتەن شەتەلدىك باق ارالاسىپ، ەلىمىزدىڭ الەم الدىنداعى بەت-بەدەلىنە ىقپال ەتكەندەي كۇيگە جەتكىزىپ، قوعامدا كەلەڭسىزدىكتەر تۋىنداتىپ جۇرگەنى دە جاسىرىن ەمەس. ايتايىن دەگەنىم: 

1."حالىقتىڭ كوشى-قونى تۋرالى" قازاقستان رەسپۋبليكاسى زاڭىنىڭ ءوز اۋماعىندا قالاي ورىندالىپ جاتقانى بويىنشا جاۋاپكەرشىلىكتى وبلىس اكىمدەرىنە تىكەلەي جۇكتەپ، پرەزيدەنتكە وزدەرى جىلىنا ەكى رەت ەسەپ بەرەتىن بولسا. كوشى-قون دەگەن ءۇردىس ءوز دەڭگەيىندە جۇيەلەنىپ، اۋىل اكىمدەرىنىڭ ءاربىر پەندەمەن ءىسى بويىنشا جاۋاپكەرشىلىگى كۇشەيىپ، ادامداردىڭ قوزعالىسى، ءجۇرىپ-تۇرۋى،توپتاسۋى، توپ قۇرۋى، جەكە باس مۇددەسى اۋىلدىق ەلدى-مەكەندەردەن باستاۋ الىپ، اۋدان، قالالاردا دا ايقىندالىپ وتىراتىن بولادى. 

2."بجزق" اق قانداي سەبەپ نەگىزدە زەينەتكەرلەردىڭ زەينەتاقى شوتىنداعى زەينەتاقى جيناقتارىن اي سايىن 20 مىڭ تەڭگە كولەمىندە ءبولىپ تولەۋگە شەشىم قابىلدادى؟ بۇل ماسەلەگە دە قازىر زەينەتكەرلەر نارازى. 18 ميلليونعا شاققاندا ازعانتاي عانا زەينەتكەرلەردىڭ كەزىندە اي سايىن وزدەرى سالعان اقشالارىن ءبىر جولى قايتارىپ بەرۋگە بولمايتىنىنا اياق-استى نە سەبەپ بولدى؟!

ەشكىم ەشتەمە ايتپايدى. زەينەت جاسىنداعى ۇلكەندەردىڭ قاي كۇنى و دۇنيەگە اتتانارىن ءبىر اللا عانا بىلەر. سوندىقتان ءبىر جولى تولىعىمەن قايتارىپ بەرە الماسا، اي سايىن 150-200 مىڭنان بەرىپ تۇرسىن. حالىقتى كامپيتپەن الداعان بالاعا ساناپ، اي سايىن 20 مىڭ تەڭگە بەرگەنى جۇرتتى مەنسىنبەۋ دەگەن ءسوز. بۇل بيۋدجەتتەن شىعاتىن شىعىن ەمەس ءوز اقشالارى. زەينەتكەرلىككە شىقپاعاندارى تاعى اي سايىن قۇيىپ، انالاردىڭ ورنىن تولتىرىپ وتىر. 

وسى ەكى ماسەلەگە ەرەكشە كوڭىل ءبولىپ شەشىمىن تابۋىنا ىقپال ەتۋىڭىزدى سۇرايمىن... 

ىزگى نيەتپەن قۇرمەتبەك سانسىزبايۇلى

الماتى وبلىسى

Abai.kz

17 پىكىر