Beysenbi, 22 Tamız 2019
Betbwrıs 1424 49 pikir 17 Şilde, 2019 sağat 17:48

Wlttıq qoğamdıq senim keñesiniñ qwramına kimder kirdi?

Memleket basşısı Qasım-Jomart Toqaev Qazaqstan Respublikası Prezidentiniñ janındağı Wlttıq qoğamdıq senim keñesiniñ erejesin jäne qwramın bekitu turalı jarlıqqa qol qoydı.

Atalğan Jarlıq Aqordanıñ resmi saytında jariyalandı.

"Qazaqstan Respublikası Konstituciyasınıñ 44-babı 20) tarmaqşasına säykes QAULI ETEMİN: 1) Qazaqstan Respublikası Prezidentiniñ janındağı Wlttıq qoğamdıq senim keñesi turalı ereje; 2) Qazaqstan Respublikası Prezidentiniñ janındağı Wlttıq qoğamdıq senim keñesiniñ qwramı bekitilsin. 2. Osı Jarlıqtıñ orındaluın baqılau Qazaqstan Respublikası Prezidentiniñ Äkimşiligine jüktelsin. 3. Osı Jarlıq qol qoyılğan küninen bastap qoldanısqa engiziledi" delingen Memleket basşısı jarlığında.

Qazaqstan Respublikası Prezidentiniñ janındağı

Wlttıq qoğamdıq senim keñesi turalı

EREJE

1. Jalpı erejeler

1. Qazaqstan Respublikası Prezidentiniñ janındağı Wlttıq qoğamdıq senim keñesi (bwdan äri – Wlttıq keñes) Qazaqstan Respublikasınıñ Prezidenti janındağı konsul'tativtik-keñesşi organ bolıp tabıladı.

2. Wlttıq keñes qızmetiniñ negizgi maqsatı jwrtşılıqtıñ, sayasi partiyalardıñ, azamattıq qoğamnıñ ökilderimen keñinen talqılau negizinde memlekettik sayasattıñ özekti mäseleleri boyınşa wsınıstar men wsınımdar twjırımdau bolıp tabıladı.

3. Wlttıq keñes öz qızmetinde Qazaqstan Respublikasınıñ Konstituciyasın, zañdarın, Qazaqstan Respublikası Prezidentiniñ aktilerin, özge de normativtik qwqıqtıq aktilerdi, sonday-aq osı erejeni basşılıqqa aladı.

2. Wlttıq keñestiñ negizgi mindetteri

4. Wlttıq keñestiñ negizgi mindetteri:

twjırımdamalardıñ, memlekettik bağdarlamalardıñ jäne normativtik qwqıqtıq aktilerdiñ jobalarına qoğamdıq saraptama jürgizu;

jwrtşılıqtıñ jäne azamattıq qoğamnıñ pikirin eskere otırıp mañızdı strategiyalıq problemalardı qarau;

jwrtşılıqtıñ, sayasi partiyalardıñ, ükimettik emes sektordıñ jäne memlekettik organdardıñ ökilderi arasında sındarlı dialogtı qamtamasız etu;

öziniñ qwzıreti şeginde Qazaqstan Respublikasınıñ zañnamasına qayşı kelmeytin özge de qızmetti jüzege asıru bolıp tabıladı.

3. Wlttıq keñestiñ qwramı

5. Wlttıq keñes onıñ törağasınan, orınbasarınan, müşelerinen jäne hatşıdan twradı.

6. Wlttıq keñestiñ törağası (bwdan äri – Törağa) Qazaqstan Respublikasınıñ Prezidenti bolıp tabıladı.

7. Törağa:

Wlttıq keñestiñ qızmetine jalpı basşılıq jasaydı;

Wlttıq keñestiñ otırıstarın ötkizu ornı men uaqıtın ayqındaydı;

Wlttıq keñes törağasınıñ orınbasarına, müşelerine jäne hatşısına tapsırma beredi.

8. Wlttıq keñestiñ qwramı belgili memleket jäne qoğam qayratkerleriniñ, sayasi partiyalar, ükimettik emes sektor ökilderiniñ qatarınan qalıptastırıladı.

Qazaqstan Respublikası Prezidenti Äkimşiliginiñ Basşısı, Qazaqstan Respublikasındağı Adam qwqıqtarı jönindegi uäkil, Qazaqstan Respublikasındağı Bala qwqıqtarı jönindegi uäkil, Qazaqstan käsipkerleriniñ qwqıqtarın qorğau jönindegi uäkil öz lauazımdarına säykes Wlttıq keñestiñ qwramına kiredi.

Törağanıñ şeşimi boyınşa Wlttıq keñeske respublikalıq jäne jergilikti deñgeydegi qoğamdıq keñesterdiñ ökilderi, sonday-aq özge de adamdar engizilui mümkin.

9. Wlttıq keñestiñ şeşimderimen qoğam damuınıñ jekelegen salaları boyınşa jwmıs toptarı qwrıluı mümkin.

Jwmıs toptarı Wlttıq keñestiñ qwramınan qwrıladı.

10. Wlttıq keñestiñ müşeleri:

Wlttıq keñestiñ jwmıs josparı, onıñ otırıstarınıñ kün tärtibi men mäselelerdi talqılau tärtibi boyınşa wsınıstar engizuge;

Wlttıq keñestiñ otırıstarına materialdardı, onıñ şeşimderiniñ jobaların dayındauğa qatısuğa;

Wlttıq keñestiñ otırısında qaralatın mäselelerdi qoğamda talqılauğa jäne tüsindiruge qatısuğa qwqılı.

Wlttıq keñestiñ müşeleri özderiniñ ökilettikterin basqa adamdarğa beruge qwqığı joq.

Wlttıq keñestiñ müşelerinde Memleket basşısı qol qoyğan, Qazaqstan Respublikası Prezidentiniñ janındağı Wlttıq qoğamdıq senim keñesi müşesiniñ kuäligi boladı.

11. Wlttıq keñestiñ hatşısı:

Wlttıq keñestiñ jwmıs josparı jobasınıñ äzirlenuin qamtamasız etedi;

onıñ otırıstarınıñ kün tärtibi jobasın jasaydı;

Wlttıq keñes otırıstarı materialdarınıñ, sonday-aq hattamalıq şeşimder jobalarınıñ dayındaluın wyımdastıradı;

Wlttıq keñes müşelerine Wlttıq keñestiñ kezekti otırısınıñ ötetin ornı, uaqıtı jäne kün tärtibi turalı habarlaydı, olardı qajetti materialdarmen uaqtılı qamtamasız etedi;

jekelegen jwmıs türlerin jüzege asıru üşin sarapşılardı, ğalımdardı jäne mamandardı belgilengen tärtipte tartadı;

öñirlerde köşpeli konsul'tativtik keñester ötkizedi;

Törağanıñ tapsırmaları boyınşa özge ökilettikterdi jüzege asıradı.

4. Wlttıq keñestiñ qızmetin wyımdastıru

12. Wlttıq keñestiñ otırıstarı qajettigine qaray ötkiziledi, biraq jılına üş retten jii ötkizilmeydi.

Wlttıq keñestiñ otırıstarı jalpı plenarlıq jäne taqırıptıq bolıp bölinedi.

Wlttıq keñestiñ otırısında müşeleriniñ jalpı sanınıñ keminde jartısı qatıssa, onıñ qwqıqtıq küşi bar dep esepteledi.

13. Wlttıq keñestiñ şeşimderi onıñ otırısına qatısıp otırğan müşeleriniñ dauıs berui arqılı jalpı sanınıñ köpşilik dausımen qabıldanadı.

Otırısqa qatısuşılardıñ dauıstarı teñ bolğan jağdayda Törağanıñ dauısı şeşuşi bolıp tabıladı.

Törağa jekelegen mäseleler boyınşa şeşimder qabıldaudıñ özge tärtibin öziniñ qalauınşa belgileuge qwqılı.

14. Wlttıq keñestiñ şeşimderi Törağa qol qoyatın hattamamen resimdeledi.

15. Wlttıq keñestiñ wsınımdarın alğan memlekettik organdar, sonday-aq qoğamdıq birlestikter olardı qaraydı jäne qabıldanğan şeşimder turalı Wlttıq keñeske Qazaqstan Respublikasınıñ zañnamasında belgilengen tärtipte habarlaydı.

16. Wlttıq keñeste talqılanatın memlekettik sayasattıñ özekti mäseleleri men Wlttıq keñestiñ otırıstarında qabıldanğan şeşimder jwrtşılıqtıñ nazarına bwqaralıq aqparat qwraldarı arqılı jetkiziledi, sonday-aq Internet jelisinde ornalastırıladı.

17. Wlttıq keñestiñ otırıstarına Törağanıñ şeşimi boyınşa Wlttıq keñestiñ  müşeleri  bolıp tabılmaytın lauazımdı adamdar, sonday-aq qoğamdıq wyımdardıñ, bwqaralıq aqparat qwraldarınıñ ökilderi şaqırıluı mümkin.

5. Wlttıq keñestiñ qızmetin qamtamasız etu

18. Wlttıq keñestiñ jwmıs organı Qazaqstan Respublikası Prezidenti Äkimşiliginiñ tiisti qwrılımdıq bölimşesi bolıp tabıladı.

19. Wlttıq keñestiñ jwmıs organı:

Wlttıq keñes qızmetin aqparattıq-taldamalıq qamtamasız etudi jüzege asıradı;

jüktelgen mindetterdi orındauğa qajetti aqparattı, qwjattar men materialdardı memlekettik organdar men wyımdardan swratadı jäne aladı;

jwmıs toptarınıñ qızmetin üylestirudi jüzege asıradı;

Wlttıq keñes qabıldağan şeşimderdiñ orındalu barısına baqılaudı jüzege asıradı;

Wlttıq keñestiñ qızmetin qamtamasız etu üşin qajetti özge ökilettikterdi jüzege asıradı.

Wlttıq qoğamdıq senim keñesiniñ
Qazaqstan Respublikası 
Prezidentiniñ janındağı

QWRAMI

Toqaev
Qasım-Jomart Kemelwlı

Qazaqstan Respublikasınıñ Prezidenti, törağa
Köşerbaev
Qırımbek Eleuwlı

Qazaqstan Respublikası Prezidenti Äkimşiliginiñ Basşısı, törağa orınbasarı
Qarin
Erlan Tınımbaywlı

Qazaqstan Respublikası Prezidentiniñ keñesşisi, hatşı

Wlttıq keñestiñ müşeleri:

Arıstanbekov
Qayırbek Tölendiwlı
Ekonomikalıq sayasat institutınıñ prezidenti (kelisim boyınşa)
Ahmetbekov
Jambıl Äujanwlı

Qazaqstan Respublikası Parlamenti Mäjilisiniñ deputatı (kelisim boyınşa)
Äbdiğaliwlı
Berik

Qazaqstan Respublikası Wlttıq arhiviniñ «Arhiv-2025» ğılımi-ädistemelik ortalığınıñ basşısı (kelisim boyınşa)
Äbenov
Mwrat Abdulämitwlı

qoğam qayratkeri, «Serpin» Wlttıq bilim beru jäne innovaciya palatasınıñ törağası (kelisim boyınşa)
Ämirtaev
Azamathan Saylauwlı
«Baytaq bolaşaq» ekologiyalıq al'yansı» respublikalıq qoğamdıq birlestiginiñ prezidenti (kelisim boyınşa)
Äşimbaev
Daniyar Rahmanwlı
qoğam qayratkeri, sayasattanuşı (kelisim boyınşa)
Baytasov
Armanjan Merekewlı

Qazaqstan Mediaodağınıñ teñ qwrıltayşısı (kelisim boyınşa)
Bwqarbay
Baqıtjan
qoğam qayratkeri, «Men oyandım» akciyasınıñ qatısuşısı (kelisim boyınşa)
Dorofeev
Mihail Viktoroviç
jurnalist, «Informburo.kz» mul'timediyalıq aqparattıq-taldau portalınıñ bas redaktorı (kelisim boyınşa)
Espaeva
Daniya Mädiqızı

Qazaqstan Respublikası Parlamenti Mäjilisiniñ deputatı (kelisim boyınşa)
Jandosov
Oraz Äliwlı

«Rakurs» ekonomikalıq taldau ortalığınıñ direktorı (kelisim boyınşa)
Joldıbaywlı
Qayrat
qoğam qayratkeri,  dintanuşı (kelisim boyınşa)
Jwmalı
Rasul

qoğam qayratkeri, sayasattanuşı (kelisim boyınşa)
Ileuova
Gülmira Toqşalıqqızı
äleumettanuşı, «Strategiya» äleumettik jäne sayasi zertteuler ortalığı» qoğamdıq qorınıñ basşısı (kelisim boyınşa)
Isa
Qazıbek Jarılqasınwlı
qoğam qayratkeri, «Qazaq üni» jauapkerşiligi şekteuli seriktestiginiñ prezidenti (kelisim boyınşa)
Kenjehanwlı
Rauan

«Wlttıq audarma byurosı» qoğamdıq qorınıñ atqaruşı direktorı (kelisim boyınşa)
Qaliev
Talğat Begimwlı

«Jastar» ğılımi-zertteu ortalığınıñ direktorı (kelisim boyınşa)
Qojahmetov
Asılbek Bazarbaywlı

«Qazaqstannıñ Azamattıq al'yansı» zañdı twlğalar birlestiginiñ prezidenti (kelisim boyınşa)
Qojıq
Jänibek
qoğam qayratkeri (kelisim boyınşa)
Quat
Däuren
jurnalist, «Qazaq ädebieti» gazetiniñ bas redaktorı (kelisim boyınşa)
Qwttıqadam
Seydahmet Rısqojawlı
qoğam qayratkeri (kelisim boyınşa)
Musin
Bağdat Batırbekwlı
käsipker, IT-maman (kelisim boyınşa)
Mwqibek
Auıt
qoğam qayratkeri, «Nur Otan» partiyası respublikalıq qoğamdıq qabıldau bölmesiniñ konsul'tantı (kelisim boyınşa)
Mırzahmetov
Abılay Isabekwlı

«Atameken» Qazaqstan Respublikası Wlttıq käsipkerler palatasınıñ basqarma törağası (kelisim boyınşa)
Nwrbek
Sayasat
sayasattanuşı, «BTS Digital» bilim beru jobalarınıñ basşısı (kelisim boyınşa)
Nwrov
Qanat Il'yawlı
Almatı joğarı basqaru mektebiniñ jäne «Aspandau» ğılımi-bilim beru qorınıñ prezidenti (kelisim boyınşa)
Omarova
Ayman Mwratqızı
advokat, «Qwqıq qorğauşılar» qoğamdıq qorınıñ teñ qwrıltayşısı (kelisim boyınşa)
Orınbek
Aygül
qwqıq qorğauşı qayratker (kelisim boyınşa)
Oşaqbaev
Rahım Säkenwlı

«Talap» qoldanbalı zertteuler ortalığınıñ direktorı, «Nur Otan» partiyası Sayasi keñesiniñ müşesi (kelisim boyınşa)
Raqımbekov
Töleutay Sataywlı

«Wlttıq agrarlıq ğılımi-bilim beru ortalığı» kommerciyalıq emes akcionerlik qoğamınıñ basqarma törağası (kelisim boyınşa)
Sadırbay
Ashat MwratwlıSairov
Erlan Biyahmetwlı

«Team Qazaqstan» jastar qozğalısınıñ jetekşisi (kelisim boyınşa)

 

Qazaqstan Respublikası käsipodaqtar federaciyası törağasınıñ orınbasarı (kelisim boyınşa)

Sarım
Aydos ÄmirollawlıSpotkay
Maksim Aleksandroviç

qoğam qayratkeri, sayasattanuşı (kelisim boyınşa)

 

 

Qazaqstan halqı Assambleyasınıñ müşesi, «Jañğıru jolı» respublikalıq jastar qozğalısınıñ jetekşisi (kelisim boyınşa)

Tayjan
Mwhtar Bolathanwlı
qoğam qayratkeri, ekonomika ğılımdarınıñ kandidatı (kelisim boyınşa)
Twrmağambetova
Jemis Ötegenqızı

«Adam qwqıqtarı hartiyası» qoğamdıq qorınıñ atqaruşı direktorı (kelisim boyınşa)
Twrsınov
Ermek Kärimjanwlı
Qazaqstan kinomatografister odağınıñ törağası, rejisser (kelisim boyınşa)
Tileuhan
Bekbolat Qanaywlı

Qazaqstan Respublikası Parlamenti Mäjilisiniñ deputatı, qoğam qayratkeri (kelisim boyınşa)
Çebotarev
Andrey Evgen'eviç

«Al'ternativa» özekti zertteuler ortalığınıñ direktorı (kelisim boyınşa)
Şibwtov
Marat Maqswmwlı

«Transparensi Kazahstan» qoğamdıq qorı Qamqorşılar keñesiniñ törağası (kelisim boyınşa)
Şoraev
Arman Tölegenwlı

«Qazaqstan barısı» damu qorı Qamqorşılar keñesiniñ törağası (kelisim boyınşa)

Abai.kz

49 pikir