Jeksenbi, 25 Tamız 2019
Abay mwrası 600 0 pikir 18 Şilde, 2019 sağat 14:24

Abaydıñ 175 jıldığın ötkizu turalı memkomissiyanıñ alğaşqı otırısı ötti

Bügin Nwr-Swltanda Abay Qwnanbaywlınıñ 175 jıldıq mereytoyın ötkizu turalı memlekettik komissiyanıñ alğaşqı otırısı ötti. Oğan Qazaqstan Prem'er-ministriniñ orınbasarı Gülşara Äbdihalıqova törağalıq etti. 

Atalğan jiında Abay Qwnanbaywlınıñ 175 jıldığın atap ötudiñ bastı josparı häm atqarılatın şaralardıñ jobası qaraldı. Ol boyınşa Halıqaralıq, respublikalıq jäne öñirlik deñgeylerdegi 500-ge juıq şara qamtılğan.

Olardıñ işinde, Elordada Halıqaralıq ğılımi-praktikalıq konferenciya, "Abay" körkem fil'miniñ şığarılımı, Abay şığarmaların şet tilderine audaru sekildi mäseleler qarastırılğan.

Sonımen qatar, Abay üyi-muzeyiniñ jan-jaqtı tınıstırılımı şarasın ötkizu, Abaydıñ "Jidebay-Börili" memlekettik tarihi-mädeni jäne ädebi-memorialdıq qorıq-muzeyiniñ ğılımi-restavraciyalıq jwmıstarın jürgizu, Qwnanbaydıñ twlğalıq mañızdılığı men tarihi-mädeni rölin arttıru şaraların qabıldau qamtılğan.

Tağı bir ayta keterligi, qazir äleumettik jelilerde tarap jürgen Abay Qwnanbaywlı öleñderi men qara sözderin oqudan  #Abai175 estafetası älemdik auqımda jalğasın tabatın boldı.

Memlekettik komissiyanıñ otırısında G. Äbdiqalıqova mereytoydı wyımdastıruğa qatıstı memlekettik organdarğa birqatar tapsırmalar berdi.

Esteriñizge sala keteyik, Biıl 30 mamırda "Abay Qwnanbaywlınıñ 175 jıldıq mereytoyın merekeleu turalı" QR Prezidenti Qasım-Jomart Toqaevtıñ Jarlığı şıqqan bolatın.

Dayındıq jwmıstarı men mereytoydı ötkizuge baylanıstı arnayı memlekettik komissiya qwrıldı. Onıñ qwramına Parlament deputattarı, körnekti jazuşılar men qoğam qayratkerleri, ortalıq memlekettik organdardıñ basşıları, şığarmaşılıq qoğam ökilderi endi.

Abai.kz

0 pikir