Jeksenbi, 25 Tamız 2019
Mine, äñgime! 2162 15 pikir 22 Şilde, 2019 sağat 11:13

Almatınıñ avtobustarına qazaq tili qajet emes pe, Sağıntaev mırza?

Almatı qalasında jäne qala mañı auıldarına qatınaytın qoğamdıq kölikterde kezdesetin kemşilkter az emes. Ol jaylı aytılıp ta, jazılıp ta jür. Qala mañına qatınaytın kölikterdiñ köneligi, jürgizuşiler men konduktorlardıñ jwmısına salğırttığı jii sınğa wşıraydı. 

Osınday olqılıqtardıñ birin jazuşı Zamanbek Abdeşev Facebook jelisindegi paraqşasında jazdı. Ol kisiniñ aytuınşa, Almatı qalasındağı № 65 avtobus ayaldamalardı memlekettik tilde mülde habarlamaytın bolğan.

«Ağayındar! Älginde Almatı qalasındağı nömiri alpıs besinşi avtobuspen keldim. Bwrın ayaldamalardı magnittik taspamen qazaq jäne orıs tilderinde habarlauşı edi. Keyingi kezderde sonıñ orıs tildegisin ğana qaldırıp, qazaq tilindegisin öşirip tastaptı. Keyde «köşesi» degen jarım-jartılay sözder estilip qaladı da, orıs tilindegisi sañqıldap qoya beredi. Avtobus jürgizuşisinen swrasam, özi qazaq jigit eken, qazir barlıq kölikterde solay istedi ğoy deydi. Bwl ne basınu?! Qwrmetti qala äkimi Sağıntaev Baqıtjan mırza, mına jönsizdikke jol bolsın. Bwl qazaq tilin, qazaq wltın sıylamau ma?! Sender, äkim-qaralar, qoğamdıq kölikke otırmaysıñdar ğoy. Bir uaqıt soğan otırıp, osınday jolsızdıqtarğa män berseñderşi! Avtobusta osını aytıp, bwl qalay desem, orıs ağayındar mağan qarsı söylep jatır. Al qazaqtar auızdarına su wrttap alğanday ündemeydi. Osı biz qayda ketip baramız?! Şıdamnıñ da şegi bar emes pe?! Aynalayın jamağat, ün qosıñdar! Mwnday swmdıqqa jol bermeyik», - deydi jazba avtorı.

Elimizde memlekettik tilge degen qwrmetsizdik mülde azaymay twr. Memlekettik tildiñ märtebesin köteru jaylı künde aytılıp jatsa da, bwl mäselege şekesinen qaraytın şeneunikter az emes. Memlekettik organdardıñ özi män bermegen soñ, halıqqa qızmet körsetetin jeke menşik mekemeler memlekettik tildi asa qajetsinbeydi de.

Qoğamdıq kölikte ayaldamalardı qazaq tilinde habarlamau - memlekettik tilge degen qwrmetsizdiktiñ bir körinisi. Endeşe bwğan jol bergen jauaptı adamdarğa tiisti şara qoldanu kerek. Almatı qalası äkimdigi bwl jağdayğa nazar audaradı degen senimdemiz...

Abai.kz

15 pikir