Jeksenbi, 25 Tamız 2019
Jañalıqtar 1128 1 pikir 25 Şilde, 2019 sağat 12:34

38 million qayda, äkimder?

Amandıq Batalov, Rıskeldi Satbaev, mına surettegi köşe - sizder qızmet etip otırğan aymaqtağı Almatı oblısı Talğar audanı Birlik auılınıñ Mänşük Mämetova köşesi. Eki mektep ornalasqan, mıñdağan halqıñız jüretin ortalıq köşe. 13 jılda bir ret jöndelgenin körmedim, oyqı-şoyqı, jazda su alıp, qısta qar üyilip qalatın sorı qalıñ köşe. Biıl ğana audan äkimdiginiñ resmi saytında osı köşeni jöndeuge 38 million 200 mıñ teñge bölingeni habarlanğan.

Bügin tañerteñ köşeniñ jiırma şaqtı jeri şwqılanıp qalğanın bayqadım, oğan endi sol 38 milliondı "qwyğalı" jatqandarıñızdı tüsindim. Osı eldiñ azamatı, salıq töleuşisi retinde şağın ğana köşeniñ mınanday "jöndeuine" 100 mıñ dollardı qalay jwmsağalı otırğandarıñızdı tüsindirudi talap etemin.

P.S. Prezident Qasımjomart Toqaevtıñ äkimderdiñ äleumettik jelide twrğındar swrağına jauap beruin mindettegenin de wmıtpağan şığarsızdar dep senemin.
Al, Alik Şpekbaev mırza, Sizden mına jağdaydı jeke baqılauıñızğa aluıñızdı swraymın!

Qasım Amanjoldıñ facebook paraqşasınan

Abai.kz

1 pikir