Seysenbi, 20 Tamız 2019
Bilik 1460 3 pikir 2 Tamız, 2019 sağat 14:21

Ädep jönindegi keñeste tärtipteri qaralğandardıñ 80 payızı basşılıq lauazımındağılar

Qızılorda oblısındağı Ädep jönindegi keñes jıl basınan beri 14 memlekettik qızmetşige tärtiptik jaza köruge şeşim şığarğan.

Al, Ädep jönindegi keñeste tärtipteri qaralğandardıñ 11-i, yağni 80 payızğa juığı basşılıq lauazımdağı twlğalar dep mälimdedi brifing barısında QR Memlekettik qızmet isteri agenttiginiñ Qızılorda oblısı boyınşa departamentiniñ ökili.

Brifingte Ädep jönindegi keñespen atqarılğan jwmıstar jäne memlekettik qızmetşilermen Ädep kodeksi normalarınıñ saqtaluı söz boldı.

«Memlekettik qızmetşilerdiñ ädep normaların bwzudıñ 17 faktisi orın alıp otır. Onıñ basım köpşiligi Ädep jönindegi keñeste qaraldı. Jıl basınan beri Ädep jönindegi keñestiñ 7 otırısı ötkizilip, 35 mäsele qaraldı. Qaralğan mäselelerdiñ 19-ı tärtiptik ister. 14 memlekettik qızmetşi ärtürli tärtiptik jazağa tartıldı. Olardıñ 8-ne Ädep kodeksi talaptarın bwzğanı üşin, 6-na memlekettik qızmetke kir keltiretin tärtiptik teris qılıqtarğa jol bergeni üşin tärtiptik jazalar qoldanıldı», - dedi departament basşısınıñ orınbasarı Berikbol Bayhojaev.

Sonımen qatar, departament tarapınan 2019 jıldıñ 6 ayında oblıstağı memlekettik organdarda 40 tekseru jürgizilgen. Tekseru nätijesimen memlekettik qızmet zañnamasın bwzğanı üşin - 2 qızmetşige, qızmet etikasın saqtamağanı üşin - 4 memlekettik qızmetşige tärtiptik jaza qoldanılğan.

Abai.kz

3 pikir