Senbi, 24 Tamız 2019
Saylau 2714 16 pikir 6 Tamız, 2019 sağat 10:05

Saylau kele jatır

Qanşa jıl täuelsiz elmiz desek te, birde-bir ret taza wlttıq sipattağı saylau ötkizip körmeppiz. Ata Zañımızdağı tilimiz ayaqqa taptalğan, RF tilimen dürkirep salanattı jağdayda jigerdi qwm qılğan talay saylaudı bastan ötkerdik. Bir auız qazaqşa bilmeytin jandardı töbege köterip, mäslihat deputattı etip saylaudı jazılmağan zañdılıqqa aynaldırdıq. Sodan keyin «Oybay parlamentimiz qazaqşa söylemeydi» dep şulaytın boldıq.

Qazaqstandağı saylau eşqaşan ädil ötpeydi. Onı ädil ötkizemin dep öñeş jırtıp özeureudiñ, baykot jariyalap dauıldatudıñ keregi joq. Tek auız biriktire otırıp, jalpıhalıqtıq sipattağı eki özgeriske qol jetkizuimiz kerek.

Kele jatqan saylaudıñ birinşi kiltipanı barlıq saylau komissiyalarınıñ bir ğana partiyanıñ ökilderinen twruın joyu. Öytkeni, jergilikti barlıq saylau komissiyalarınıñ qwramına engen  müşelerdiñ atı-jöni 29 jıldan beri eş özgerissiz qalıp keledi. Bäri de tek «Nwr Otannıñ» müşeleri.

Ekinşi päleket qay partiya jeñiske jetse de, qanşa payız dauıs alsa da, parlament pen jergilikti mäslihatqa tek qazaq tilin biletin deptattardıñ saylanuına qol jetkizip, parlamenttik bir tildilikti ornıqtıru üşin küresu. Jäne saylau blyuteniniñ qazaq tilinde toltırıluı men saylau aldı jarnamalarınıñ tek memlekettik tilde boluın bilikten talap etu üşin beybit şeruler ötkizudi qolğa alu.

Osı jolğı saylaudı alaşi sipatta ötkizu üşin är qazaq bwl procesten tıs qalmaytını hah.

Tüyin

Iä, bilik partiyası barlıq resurstarın paydalanıp basımdıqpen jeñedi. Biraq qazaq tilin kerek ete me, kerek etpey me osı jolı jwrtqa aşıq tanıtuı kerek. Öytkeni, Qazaqstan 80-90 payızdıq ülestegi monowlttıq memleketke aynalıp keledi. Bolaşaqta tek 10-20 payız azşılıq qoldanatın orıs tilin qalqan etip sayasi betperdelenudiñ zamanı ötken. Qazaq eli bir tildi memleketke aynalu procesiniñ aldında twr. Onı tek parlamentten bastau ğana qaldı.

«Nwr Otandıq» jinigu men jeligusiz taza qazaqi kelbetti saylau ötkizuimiz azamattığımızğa sın. Layım osı jolğı parlament twñğış bir tildi parlament bolıp tarihta qaluı üşin qolımızdan kelgenşe osı bastan at salısayıq!

Äbil-Serik Äliakbar

Abai.kz

16 pikir