بەيسەنبى, 28 ناۋرىز 2024
سايلاۋ 5731 16 پىكىر 6 تامىز, 2019 ساعات 10:05

سايلاۋ كەلە جاتىر

قانشا جىل تاۋەلسىز ەلمىز دەسەك تە، بىردە-ءبىر رەت تازا ۇلتتىق سيپاتتاعى سايلاۋ وتكىزىپ كورمەپپىز. اتا زاڭىمىزداعى ءتىلىمىز اياققا تاپتالعان، رف تىلىمەن دۇركىرەپ سالاناتتى جاعدايدا جىگەردى قۇم قىلعان تالاي سايلاۋدى باستان وتكەردىك. ءبىر اۋىز قازاقشا بىلمەيتىن جانداردى توبەگە كوتەرىپ، ءماسليحات دەپۋتاتتى ەتىپ سايلاۋدى جازىلماعان زاڭدىلىققا اينالدىردىق. سودان كەيىن «ويباي پارلامەنتىمىز قازاقشا سويلەمەيدى» دەپ شۋلايتىن بولدىق.

قازاقستانداعى سايلاۋ ەشقاشان ءادىل وتپەيدى. ونى ءادىل وتكىزەمىن دەپ وڭەش جىرتىپ وزەۋرەۋدىڭ، بايكوت جاريالاپ داۋىلداتۋدىڭ كەرەگى جوق. تەك اۋىز بىرىكتىرە وتىرىپ، جالپىحالىقتىق سيپاتتاعى ەكى وزگەرىسكە قول جەتكىزۋىمىز كەرەك.

كەلە جاتقان سايلاۋدىڭ ءبىرىنشى كىلتيپانى بارلىق سايلاۋ كوميسسيالارىنىڭ ءبىر عانا پارتيانىڭ وكىلدەرىنەن تۇرۋىن جويۋ. ويتكەنى، جەرگىلىكتى بارلىق سايلاۋ كوميسسيالارىنىڭ قۇرامىنا ەنگەن  مۇشەلەردىڭ اتى-ءجونى 29 جىلدان بەرى ەش وزگەرىسسىز قالىپ كەلەدى. ءبارى دە تەك «نۇر وتاننىڭ» مۇشەلەرى.

ەكىنشى پالەكەت قاي پارتيا جەڭىسكە جەتسە دە، قانشا پايىز داۋىس السا دا، پارلامەنت پەن جەرگىلىكتى ماسليحاتقا تەك قازاق ءتىلىن بىلەتىن دەپتاتتاردىڭ سايلانۋىنا قول جەتكىزىپ، پارلامەنتتىك ءبىر تىلدىلىكتى ورنىقتىرۋ ءۇشىن كۇرەسۋ. جانە سايلاۋ بليۋتەنىنىڭ قازاق تىلىندە تولتىرىلۋى مەن سايلاۋ الدى جارنامالارىنىڭ تەك مەملەكەتتىك تىلدە بولۋىن بيلىكتەن تالاپ ەتۋ ءۇشىن بەيبىت شەرۋلەر وتكىزۋدى قولعا الۋ.

وسى جولعى سايلاۋدى الاشي سيپاتتا وتكىزۋ ءۇشىن ءار قازاق بۇل پروتسەستەن تىس قالمايتىنى حاھ.

ءتۇيىن

ءيا، بيلىك پارتياسى بارلىق رەسۋرستارىن پايدالانىپ باسىمدىقپەن جەڭەدى. بىراق قازاق ءتىلىن كەرەك ەتە مە، كەرەك ەتپەي مە وسى جولى جۇرتقا اشىق تانىتۋى كەرەك. ويتكەنى، قازاقستان 80-90 پايىزدىق ۇلەستەگى مونوۇلتتىق مەملەكەتكە اينالىپ كەلەدى. بولاشاقتا تەك 10-20 پايىز ازشىلىق قولداناتىن ورىس ءتىلىن قالقان ەتىپ ساياسي بەتپەردەلەنۋدىڭ زامانى وتكەن. قازاق ەلى ءبىر ءتىلدى مەملەكەتكە اينالۋ پروتسەسىنىڭ الدىندا تۇر. ونى تەك پارلامەنتتەن باستاۋ عانا قالدى.

«نۇر وتاندىق» جىنىگۋ مەن جەلىگۋسىز تازا قازاقي كەلبەتتى سايلاۋ وتكىزۋىمىز ازاماتتىعىمىزعا سىن. لايىم وسى جولعى پارلامەنت تۇڭعىش ءبىر ءتىلدى پارلامەنت بولىپ تاريحتا قالۋى ءۇشىن قولىمىزدان كەلگەنشە وسى باستان ات سالىسايىق!

ءابىل-سەرىك الياكبار

Abai.kz

16 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1559
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2250
عيبىرات

قايسار رۋحتى عازيز جان

مۇحتار قۇل-مۇحاممەد 3500