Senbi, 24 Tamız 2019
531 0 pikir 14 Tamız, 2019 sağat 16:02

Qızılordalıq qwrılısşılar qwrmetke bölendi

Sır öñirinde qwrılıs salasınıñ 75 jıldığına oray merekelik şara ötti,- dep habarlaydı Abay-aqparat.

Qwrılısşılar künine arnalğan saltanattı keşke Qızılorda oblısınıñ äkimi Quanışbek Isqaqov qatısıp, sala mamandarın käsibi merekesimen qwttıqtadı. Öñirdegi qwrılıs salasındağı tolayım tabıstardı tilge tiek etken öñir basşısı:

– Jıl basınan beri 4 äleumettik nısan el igiligine berildi (Jastarğa qızmet körsetu ortalığı, Ğ.Mwratbaev atındağı stadionı qayta jañğırtıldı, Aral audanı Şijağa, Şielidegi Tartoğay auıldarındağı 150 orındıq klub). Sonımen qatar, oblıs aumağında 23 äleumettik nısannıñ qwrılısı jürgizilude. Olardıñ 10-ı jıl soñına deyin paydalanuğa berilmek. Tek, soñğı altı jılda twrğın üydi paydalanuğa beru kölemi 2,5 esege artıp otır (2013 jılı 270,0 mıñ ş.m., 2018 jılı 700,0 mıñ ş.m). Osı uaqıt aralığında Qızılorda qalasınıñ özinde jaña 10 möltek audan, 5 twrğın üy keşeni, 361 twrğın üy paydalanuğa berilip, 8 mıñğa juıq (7709) adam jaña baspanamen qamtamasız etildi. «Nwrlı jer» bağdarlaması ayasında biıl oblıs köleminde barlıq qarjılandıru közderinen 1862 päterdi qwraytın 43 köpqabattı twrğın üydiñ qwrılısın jürgizu josparlanğan, - dep atap ötti.

Sonday-aq, şara barısında öñirdiñ üzdik qwrılısşılarına käsibi merekeleri qarsañında qwrmet gramotaları, alğıs hattar men marapattar tabıstaldı. Sonımen qatar keşte «Qwrılısı qarıştı Qızılorda» kitabınıñ twsaukeser räsimi ötti.

Bwdan äri şara koncerttik bağdarlamamen jalğasın taptı.

0 pikir