Jwma, 3 Säuir 2020
COVID-19 QAZAQSTANDA. Jwqtırğandar — 453. Jazılğandar — 29. Qaytıs bolğandar — 3
1773 2 pikir 16 Tamız, 2019 sağat 14:02

Qwqıq qorğauşılar: beybit şeruler jönindegi zañ halıqtı radikalizaciyalauğa äkeledi

Qazaqstanda beybit jiındardı, mitingterdi, şeruler men akciyalardı retteytin zañ azamattardıñ radikalizaciyalauına äkeledi.

Osılay dep Adam qwqıqtarı jönindegi halıqaralıq byuronıñ direktorı Evgeniy Jovtis mälimdedi.

Qwqıq qorğauşınıñ sözinşe, oğan jartı jıldıq monitoring nätijesi kuä bola aladı. Onıñ aytuınşa, mitingterge tıyım salu azamattardıñ mañızdı mäselede öziniñ oyın şeneunikterge jetkizu qwqığınan ayıradı.

— Bizdiñ wyımğa soñğı üş-tört ayda rwqsat etilmegen mitingterge şıqqanı üşin äkimşilik jazağa tartılğan birneşe jüzdegen adam qayrıldı. Olardıñ deni eşqanday wyımdastıruşılar bolmağan. Köbi akciyalarğa qatıspağan, köşede ötip bara jatqan jäy adamdar bolğan. Biraq policiya qızmetkerleri olardı da wstap alıp ketken,- deydi Evgeniy Jovtis.

Qwqıq qorğauşı sonımen birge beybit şerulerdi retteytin Qazaqstan zañdarınıñ halıqaralıq talaptarğa qayşı keletinin atap ötti.

— Halıqaralıq talaptarğa säykes, beybit şeruler ötkizuge bolmaytın arnayı jerler boladı. Olar qwbır joldarı, ärtürli sebeptermen adam densaulığına qauipti orındar, äskeri bölimşeler. Qalğan jerlerdiñ bäri miting ötkizuge rwqsat etilui tiis,- deydi qwqıq qorğauşı.

Biıl 9-13 mausım aralığında Qazaqstan policiyası mitingterge şıqqan tört mıñğa juıq adamı wstadı. Bwl jöninde işki ister ministri Erlan Turgumbaev mälimdedi. Narazılıq akciyaları eldegi prezident saylauı qarsañında ötti. Mitingke qatısuşılar kezekten tıs prezident saylauınıñ zañsız ekenin aytıp, boykot jariyalauğa şaqırdı. Narazılıq bildiruşiler saylau nätijesine de qarsılıq bildirdi.

12 mausım inauguraciya küni Qazaqstan prezidenti Qasımjomart Toqaev batıs BAQ-tarına bergen swqbatında halıqqa kedergisiz akciyalar ötkizuge mümkindik beriletin jaña zañ qabıldanadı degen.

Abai.kz

2 pikir