Düysenbi, 16 Qırküyek 2019
1075 0 pikir 21 Tamız, 2019 sağat 10:20

Mäjilis deputattarı Taraz qalasında käsipkerlermen kezdesti

Mäjilis deputatı Marat Bopazov Jambıl oblısına saparı barısında Taraz qalasındağı konditerlik fabrika jwmısımen tanıstı.

Osıdan eki jıl bwrın jabdıq jäne kommerciyalıq jıljımaytın mülikti qayta jañartıp, vafli öndiretin jeli satıp aluğa nesie alğan fabrika bügingi tañda jılına 2160 tonnağa juıq önim öndirude.

Halıq qalausımen kezdesude käsipkerler zauıttıñ jwmısı men tınıs-tirşiligi  turalı jan-jaqtı aytıp, fabrikanıñ joba qwnı 850 million teñge bolatın  ekinşi kezeñiniñ qwrılısı ayaqtaluğa jaqın ekendigine toqtaldı.

Joba biıl iske qosılıp, käsiporınnıñ tolıq jıldıq quatı 4500 tonna boladı dep josparlanuda. Osığan oray, tağı jetpis adamdıq jwmıs ornı aşılğan. Jobanıñ ekinşi kezeñi osı jıldıñ ayağında paydalanuğa berilmek.  Sonımen qatar biıl jaña korpus qwrılısı men jaña öndiristik jelilerdi satıp alu közdelgen. Zamanaui jabdıqtardı iske qosu käsiporın quattılığın 4500 tonnadan 12 000 tonnağa deyin wlğaytuğa, sonday-aq, önimderdi eksportqa şığaruğa jol aşıp, qosımşa 170 jaña jwmıs ornı aşılmaq.

Bwl «Biznestiñ jol kartası – 2020» memlekettik bağdarlaması arqılı qomaqtı qarjığa nesie alıp, jwmısın jandandırıp otırğan käsiporın öñir ekonomikasın arttıruğa öz ülesin tigizip otırğanın körsetedi.

Osığan säykes, Mäjilis deputatı memleket tarapınan käsipkerlikke körsetilip jatqan qoldaudıñ mañızdılığına män berdi.

Abai.kz

0 pikir