Düysenbi, 16 Qırküyek 2019
Dep jatır 1362 0 pikir 21 Tamız, 2019 sağat 13:43

Aqtotı Rayımqwlova: «Kök Jaylau» jobası toqtap twrğanın jetkizgim keledi

Qoğamda qızu talqığa tüsken "Kök Jaylau" tau şañğı kurortın salu mäselesi äli de küntärtibinde. Keşe Mädeniet jäne sport ministri Aqtotı Rayımqwlova atalğan jaytqa qatıstı tüsinikteme berdi. 

Mwnday mañızdı mäseleniñ saliqalı jauaptı qajet etetiniñ eskertken Rayımqwlova,Prezident Toqaevtıñ tapsırmasımen qazir "Kök Jaylau" jobası toqtap twrğanın ayttı.

-Qwrmetti dostar, qazaqstandıqtardıñ köpşiligin alañdatqan Almatı mañındağı «Kök Jaylau» tau şañğısı kurortın salu mäselesi bastı nazarda.

Qoğamda pikirtalas tudırğan mwnday mañızdı mäsele saliqalı jauaptı qajet etedi. Qoğamnıñ müddesin qorğap, janaşırlıq tanıtqan qalamgerlerge aytar alğısım da şeksiz.

Ökinişke oray, atalğan bastama boyınşa jurnalisterge jauap beruge mümkindigim bolmadı. Osı taqırıp boyınşa qısqaşa tüsinikteme beru mümkindigi endi ğana tudı.

Biılğı jıldıñ säuir ayında Qazaqstan Prezidenti Qasım-Jomart Toqaevtıñ tapsırması boyınşa kurort qwrılısı toqtatılğanı barşamızğa ayan. Memleket basşısı bwl mäselede asığıstıq tanıtpay, sarapşılardıñ taldauların zerttep, qala twrğındarınıñ pikirin eskeru qajet ekenin atap körsetti. Sol kezdegi Almatı äkimi Bauırjan Baybek Qasım-Jomart Toqaevtıñ wsınısımen «Kök Jaylau» kurortınıñ qwrılısı jobasın tolıqtıru jäne toqtatu qajet ekenin aytqan bolatın.

QR Mädeniet jäne sport ministrligi kez kelgen ükimettik vedomstvo siyaqtı birinşi kezekte qwqıqtıq normativtik aktilerdi zerttep dayındaumen aynalısatının atap aytqım keledi. Köp jağdayda mädeni, sport nemese turistik nısandardı salu turalı şeşimdi jergilikti atqaru organdarı: äkimdik, mäslihat, qoğamdıq keñes (bolğan jağdayda) qabıldaydı. «Kök Jaylau» kurortı bwl ayadan tısqarı şığıp, ol boyınşa şeşimdi Prezident qabıldadı. Qazirgi sätte Qasım-Jomart Kemelwlı Toqaevtıñ tapsırması bärimizge belgili: «Kök Jaylau» jobası toqtap twrğanın jetkizgim keledi.

Abai.kz

0 pikir