Jeksenbi, 22 Qırküyek 2019
Anıq 1875 0 pikir 21 Tamız, 2019 sağat 19:10

Elbası: Barlıq saylaular konstituciyalıq merzimde ötedi

Bügin, 21 tamız küni Nwr-Swltan qalasında QR Twñğış Prezidenti – Elbası Nwrswltan Nazarbaevtıñ törağalığımen «Nur Otan» partiyası Sayasi keñesiniñ keñeytilgen otırısı ötti.

Otırısqa Nwrswltan Nazarbaevtan bölek, memleket basşısı Qasım-Jomart Toqaev jäne ükimet müşeleri, prezident äkimşiligi, deputattar men äkimder, sonday-aq, wlttıq kompaniyalar qatıstı.

Nwrswltan Nazarbaev otırıstı aşıp, partiyanıñ atqarğan jwmıstarı men aldağı josparlarına toqtaldı.

"Jaña sayasi jağdaylarda partiyanıñ röli aytarlıqtay artadı. Bügin bizdiñ keñeytilgen otırısta partiya aldında twrğan mindetterdi talqılap, aldağı qadamdarımızdı belgileudi wsınamın", - dedi Elbası.

Soınmen qatar, Elbası barlıq saylau konstituciyalıq merzimde ötetinin ayttı.

"Barlıq saylau konstituciyalıq merzimde ötedi. Qazir Ükimet pen atqaruşı bilik saylanğan prezident Toqaevtıñ saylaualdı bağdarlamasın qolğa aluı tiis. Mine, bizdiñ partiya osığan bağıttaluı qajet", - dedi Elbası.

Elbası Nwrswltan Nazarbaev el işinde tärtip bwzıluınıñ saldarı turalı oyımen bölisti.

"Postkeñestik elderden bastap Afrikağa deyingi elderdi qarap köriñiz. Sayasi twraqsızdıq kezinde birinşi kezekte kim zardap şegedi? Ekonomika qwlağandıqtan, halıqtıñ ömir süru sapası da tömendeydi. Jwmıs isteuge uaqıt joq – şulap, ortağa şığadı. Demonstraciya men şeruler... Tärtip pen bilik joq jerde – problema şeşilmeydi. Ärbir adamnıñ qauipsizdigi, eldiñ twraqtılığı bwzıladı. Özekti mäselelermen aynalısu şette qaladı. Ärqaşan şulap jüretin adamdarğa tağı da bir ayta keteyin, barlıq saylaular konstituciyalıq merzimde ötetin boladı. Osı taqırıptı jabayıq", - dedi Nwrswltan Nazarbaev.

Al Prem'er-ministr Asqar Mamin partiya jwmısınıñ qayta retteluine baylanıstı Ükimet pen partiyanıñ özara is-qimılınıñ jaña formattarı engiziletinin habarladı.

Abai.kz
0 pikir