Jwma, 3 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
1894 1 pikir 2 Qırküyek, 2019 sağat 11:57

Ukraina prem'er-ministri bolıp 35 jastağı Aleksey Gonçaruk tağayındaldı

Ukraina Joğarğı radası 35 jastağı Aleksey Gonçaruktıñ kandidaturasın prem'er-ministr retinde bekitti dep mälimdedi "Interfaks-Ukraina". Ol Ukraina tarihında eñ jas ükimet basşısı atandı.

Onıñ kandidaturasın parlamentke el prezidenti Vladimir Zelenskiy men "Halıq qızmetşisi" prezidenttik frakciyası wsınğan. Bwl frakciya parlamenttegi köpşilik sanına ie bolğandıqtan, Konstituciyağa säykes, ükimet basşısın wsınadı.

Beysenbi küni bwrınğı prem'er-ministr Vladimir Groysman otstavkağa ketti.

Gonçaruk osığan deyin prezident keñsesi basşısınıñ orınbasarı qızmetin atqarğan. Mamandığı boyınşa zañger. 2013–2014 jıldarı Maydandağı azamattardıñ qwqığın qorğağan. 2015 jıldan beri BRDO saraptau ortalığın basqarıp keldi. Bwl Europalıq odaq qarjılandıratın ükimettik emes wyım.

Radada söylegen sözinde Gonçaruk ükimetke reforma jasap, korrupciyamen küresip, el ekonomikasın köteruge küş salatının jetkizdi.

Ukraina parlamenti de jaña törağasın sayladı. Joğarı rada spikeri "Halıq qızmetşisi" partiyasınıñ lideri Dmitriy Razumkov boldı.

Joğarğı radanıñ alğaşqı otırısında el prezidenti Vladimir Zelenskiy söz söyledi. Ol Ukraina halqı jaña parlamentten köp ümit kütetinin, eger halıq ümiti aqtalmasa, bir jıldan keyin Radanı taratatının mälimdedi.

29 tamızda Kievte IH şaqırılımdağı Joğarğı radanıñ alğaşqı otırısı ötti. 424 deputat ant berdi (Radada barlığı 450 orın, biraq anneksiyalanğan Qırım men janjal ötip jatqan Donbassta saylau ötpedi).

Abai.kz

1 pikir