Seysenbi, 31 Naurız 2020
46 - söz 5095 12 pikir 3 Qırküyek, 2019 sağat 16:01

G.Bel'ger: "Oyan, qazaq!"

Gerol'd Bel'gerdiñ kündeliginen:

Ahmetovti qabıldağan Nazarbaev onıñ miın tüzegen boldı. Täuelsiz eldiñ prezidenti men prem'er-ministri — ekeui de qazaq — köp aldında orısşa söylesedi. Birtürli oğaş, anayı körinis, wyat. Mwnday tömenşikteu jer jüzindegi basqa birde-bir elde joq ekenin nege oylamaydı eken, şirkinder?

Osınday bola ma? Älde, bwları wltaralıq tatulıq saqtaudıñ nışanı ma? Qazaq elindegi qay wlt pen wlıs ökilderi olarğa nege öz tilderinde söylesesiñder dey qoyar eken? Namıs käne? Älemdegi qay memleketti alsañ da köpwlttı, tipti, baz biri Qazaqstandı jolda qaldıradı emes pe?

Mäselen, Germaniyada qazir kemi 6 mln türikter bar. Qıtay, käris, japon, qazaqtar da bıqıp jür. Äne, nemisşe bilmese, älgilerdiñ birde-biri onda jer basıp jüre almaydı. Qayda da el men jer ieleriniñ üstem boluı tabiği qwbılıs. Jäne zañdı.

Qazaqtarğa ne bolğan? Jaltaq pa, sorlı ma? Qazaqtardıñ ondayğa jürekteri daualamaytını qızıq. Bükil halıq basşılarğa qaraydı. Öz-öziñdi twqırta berme. Qarsılıq joq, özgelermen sanas, sıyla, biraq, jöni boladı. Sen öziñdi sıylamasañ, seni de eşkim sıylamaydı.

Oyan, qazaq! Bwl sözderdi aytıp otırğan men, Bel'ger, nemis deseñ nemis, qazaq deseñ qazaq!

08.10.13 j.

Äset Aqmoldanıñ facebook paraqşasınan

Abai.kz

12 pikir