Jeksenbi, 22 Qırküyek 2019
Äne, kördiñ be? 13936 39 pikir 8 Qırküyek, 2019 sağat 14:26

4 mlrd sıyaqı. Bwl neğılğan batpan qwyrıq, Dosaev mırza?

Bank qızmetkerleri qalay bayıp jatır, bilesiz be? Bilmeseñiz köriñiz, mine! Qazaqstandağı ekinşi deñgeyli bankterdiñ tizginin wstap otırğan birli-jarım azamatqa berilgen sıyaqılardıñ sandarı jariya boldı. Bas aynaldırıp, til kürmeytin bwl somalar bankke basşılıq jasap jürgen bayşıkeşterdiñ jıldıq sıyaqıları köpinedi. 2018 jıldıñ qorıtındı esebi osılay tüzilipti. Özderiñiz qarap köriñizder:

1. NwrBank

117 572 886,31 teñge.

Bwl banktiñ 6 basqarma müşesiniñ jıldıq sıyaqısı.

2. Tengri Bank

163 551 954,91 teñge sıyaqı.

Bwl atalğan banktiñ 3 basqarma müşesine berilgen jıldıq sıyaqı soması.

3.VTB Bank

179 058 581,81 teñge.

Bwl banktiñ 5 basqarma müşesiniñ jıldıq sıyaqısı.

4.Centrkredit Bank

189 614 666,00 teñge.

Bwl banktiñ 5 basqarma müşesiniñ jıldıq sıyaqısı.

5.Capital Bank 

307 212 608,00 teñge.

Bwl banktiñ 6 basqarma müşesiniñ 2018 jılğı jıldıq sıyaqısı.

6.RBK Bank

310 311 452,15 teñge.

Bwl banktiñ 4 basqarma müşesiniñ jıldıq sıyaqısı.

7.Jysan Bank

361 046 405,81 teñge.

Bwl banktiñ 13 basqarma müşesine berilgen jıldıq sıyaqı.

8.ATF Bank

491 344 751,91 teñge.

Bwl banktiñ 6 basqarma müşesiniñ jıldıq sıyaqısı.

9.Al'fa Bank

646 186 000,00 teñge.

Bwl banktiñ 5 basqarma müşesine berilgen jıldıq sıyaqı.

10.Euraziyalıq Bank

866 641 590,87 teñge.

Bwl banktiñ 10 basqarma müşesiniñ jıldıq sıyaqısı.

11.Sberbank Qazaqstan

1 695 275 289,70 teñge.

Bwl banktiñ 5 basqarma müşesine berilgen jıldıq sıyaqı.

12.Fortebank

1 733 619 921,00 teñge.

Bwl banktiñ 5 basqarma müşesiniñ jıldıq sıyaqısı.

13.Halıq Bank

2 525 350 896,00 teñge.

Bwl Halıq banktiñ 14 basqarma müşesine 2018 jılı berilgen sıyaqı soması.

14.Kaspiy Bank

4 826 415 945,24 teñge.

Bwl banktiñ 4 basqarma müşesiniñ jıldıq sıyaqısı.

Tüyin. Qarapayım jwrttıñ, halıqtıñ materialdıq jağdayı milliardtap sıyaqı alatın älgi anau banktegi basşılardikindey birkelki keremet emes. Bank basşıları osını eskergeni abzal!

Qazir Ükimet köp balalı analarğa beriletin 21 mıñ teñge järdemaqınıñ jolın tappay bas qatırıp jatqanı jäne bar. Memlekettiñ qaltası jwqaratın boldı dep ayqaylaytın joğarğı bilik, arı oylanıp, beri oylanıp, aqırı ayla tapqan bolıptı. Ükimettiñ bwl isine narazı jwrt öz pikirin aşıq alañdarda aytuda.  Qazir el işi alağay da bwlağay küyde. El tolquınıñ jalğız sebebi – äleumettik teñsizdik häm ädiletsizdik. Köp balalı analar Ükimetten 21 mıñ teñge ala almay sandalıp jürgende, bir banktiñ 4 basşısı 4 milliard teñgeni özara sıyaqı qılıp bölisip jatsa, ädiletsizdik emey nemene?! El işi tegi osınday teñsizdikten bülinedi! Dau osındaydan bastaladı, Dosaev mırza!

Biz bwrınğı ministr Erbolat Dosaevqa qarata söz ayttıq. Öytkeni, Wlttıq banktiñ qazirgi tizginşisi däl osı Dosaev. Joğarıdağı swmdıq sandar, äueli ädiletsiz sandar äleumettik arazdıqtı tudırmasına siz kepil bola alasız ba? Älde, sizdiñ baqılauıñızdağı ekinşi deñgeyli bankterdiñ basşıları ma? Jauap beruiñiz kerek!

Nwrzat Toğjan

Abai.kz

39 pikir