Jwma, 3 Säuir 2020
COVID-19 QAZAQSTANDA. Jwqtırğandar — 453. Jazılğandar — 29. Qaytıs bolğandar — 3
1041 0 pikir 9 Qırküyek, 2019 sağat 15:57

Oqıtuşılar arasındağı A.Baytwrsınwlı atındağı respublikalıq bayqau ötedi

Qazaqstan Respublikası Mädeniet jäne sport ministrligi Til sayasatı komiteti Şayswltan Şayahmetov atındağı «Til-Qazına» wlttıq ğılımi-praktikalıq ortalığı  2019 jılğı 12 qırküyekte oqıtuşılar arasındağı A.Baytwrsınwlı atındağı respublikalıq bayqauın ötkizedi.

Bayqaudıñ maqsatı – qoğam qayratkeri, qazaqtıñ wlttıq ğılımınıñ köşbasşısı  Ahmet Baytwrsınwlınıñ  ğılımi-pedagogikalıq mwralarınınıñ   sabaqtastığın jalğastıru.  Memlekettik tildiñ qoldanılu ayasın keñeytu  jäne onı sapalı oqıtu maqsatın jüzege asırıp jürgen  üzdik oqıtuşılardıñ jañaşıl ädis-täsilderdi qoldanudağı jwmıs täjiribesimen tanısu,  qazaq tiliniñ jas mamandarı arasında şığarmaşılıqpen jwmıs jasaytın oqıtuşılardı anıqtau,  ozıq täjiribelerin taratu, sonday-aq  memlekettik tildi oqıtıp jürgen oqıtuşılardıñ käsibi bedeli men qoğamdağı märtebesin arttıru.

Respublikalıq bayqau üş kezeñnen twradı: birinşi kezeñ –  qatısuşılardıñ özderi, oqu materialdarı jäne jetistikteri jaylı aldın ala dayındağan beynetanıstırılımınıñ körsetilimi; ekinşi kezeñ – qatısuşılardıñ pedagogikalıq-psihologiyalıq jağdayattarğa arnalğan tapsırmalardı orındauı;  üşinşi kezeñ –  20-25 minut köleminde sabaq ülgisin körsetu.

Atalğan şarağa elimizdiñ 16 öñiriniñ  oqıtuşıları qatısadı.

Respublikalıq bayqau  jeñimpazdarın ädisker-ğalımdardan qwralğan qazılar alqası anıqtaydı. Jeñimpazdar arnayı diplomdar, alğıshattarmen jäne qarjılay sıylıqtarmen marapattaladı.

Ötetin ornı: Nwr-Swltan qalası, Dostıq 1, «ForteBank» mäjilis zalı

Bastaluı: sağ: 9.00

Abai.kz

0 pikir