Särsenbi, 19 Aqpan 2020
1445 0 pikir 20 Qırküyek, 2019 sağat 11:15

Sır öñirinde «Qobyz» sauda belgisimen oqu forması narıqqa şıqpaq

Qızılordadağı jeñil önerkäsip Qauımdastığı alğaşqı önimderin «Qobyz» sauda belgisimen şığara bastadı, - dep habarlaydı Abay-aqparat.

Bwl jöninde Qızılorda oblıstıq jeñil önerkäsip qauımdastığınıñ törağası, «Dalatex» kompaniyasınıñ direktorı Dilmwhamed Abızov mälimdedi.

Onıñ aytuınşa, Qauımdastıñ biılğı jılı qolğa alğan «Bastauış sınıptarğa arnalğan birıñğay mektep forması» äleumettik jobasına qaladan äzirge 33 mektep qatısqan. Pilottıq joba ayasında mektep forması birinşi klass oquşılarına arnalıp tigilgen. Jobanı jüzege asıruğa «Dalatex»-ten özge 20-ğa juıq tigin şeberhanası qatısıp, 100-den astam adam jwmıspen qamtılğan.

- Jobanı birinşi ret jüzege asırğandıqtan jetkizude, tapsırıstı der kezinde orındauda kemşilikterimiz de boldı. Degenmen alğan mindettememizdi tolıqtay orındap şıqtıq. Jobanıñ eñ ülken jetistigi şağın 20-ğa juıq tigin şeberhanasın tapsırıspen qamtamasız ete alğanımız. Kelesi bir artıqşılığı jobanıñ äleumettik joba bolğandığında. YAğni tigiletin kiimdi 10-12 mıñ teñgeden asırğan joqpız, - deydi Dilmwhamed Abızov.

Sonımen qatar ol «Bastauış sınıp oquşılarına arnalğan mektep formaları» jobasınıñ jüzege asuına jergilikti tauaröndiruşilerdiñ bwl salamen aynalıspauı türtki bolğanın ayttı.

- Öñirimizde bastauışta 50-60 mıñ bala oqidı. Bwl oquşılarğa oqu formasın alu eñ tömengi eseppen eseptegenniñ özinde jobamen 500 mln.teñgeni qwraydı. Osınşama qarjı sırtqa, naqtıraq aytqanda Özbekstan men Qırğızstanğa jäne özge de elderge ketip jatır. Biz osı öñirde twrğandıqtan atalmış qarjınıñ eñ bolmağanda 30 payızı öz oblısımızda qalsa, ekonomikamızğa paydası tise, äleumettik jağdaydı jaqsartuğa jwmıs jasasa degen aldımızğa maqsattı qoydıq, - deydi oblıstağı Jeñil önerkäsip qauımdastığınıñ törağası.

Qauımdastıq «Qobyz» sauda belgisimen jarıqqa şıqqan önim kölemin odan äri arttırıp, äri qaray jalğastırudı közdep otır.

Ayta kteyik, Qızılorda oblısında Käsipkerler palatasınıñ alañında tigin cehtarınıñ ieleri men qolönerşiler, dizaynerler jinalıp, öñirlik jeñil önerkäsip qauımdastığın qwrğan bolatın.

Abai.kz

0 pikir