Býginde halyqtyng әleumettik hәm qúqyqtyq sauatty boluy asa manyzdy. Búl túrghyda memleket tarapynan da irgeli isteri atqarylyp jatyr. Mәselen, juyrda Qyzylorda oblysy, Aral audanynda jergilikti prokuraturanyng úiymdastyruymen “Halqyma qyzmet kerueni” taqyrybynda aksiya ótti.

Atalghan sharanyng maqsaty – audangha qarasty shalghay eldi-meken túrghyndarynyng әleumettik jaghdayyn kóteru sonymen qatar, jergilikti halyqtyng qúqyqtyq sauattylyghyn arttyru. Jәne, ónirdegi halyqtyng eng ózekti, manyzdy mәselelerine nazar audaru.

Aksiya ayasynda audan prokurory Ashat Tәjenov pen audandyq polisiya bólimining basshysy Núrbol Ábdirazaq: Qarateren, Bógen, Janaqúrylys, Qosjar, Amanótkel, Qyzyljar, Qamystybas, Aqbay, Aralqúm eldi mekenderining jay-kýiimen tanysyp, túrghyndarmen kezdesti.

Kezdesu barysynda jergilikti túrghyndardyng qylmystyq, qúqyq búzushylyq ahualy, jer mәselesi, kommunaldyq mәseleler, әleumettik qamsyzdandyru, medisinalyq qyzmet sapasynyng kórsetilui, tiyesili amaldardyng tegin dәri-dәrmektermen qamtyluy, mýgedek jandardyng qúqyqtarynyng saqtaluy, kәsipkerlikti damytu baghytyndaghy úsynys-pikirlerin tyndady. Sәikesinshe, jergilikti halyqtyng talap – tilegin, olardyng týiitkildi mәselelerine sala basshylary jauap berip, nazargha aldy.

Osy orayda, audan prokurory әleumettik mәselelermen qatar, halyq arasyndaghy qylmystyq ahualdy, alayaqtyq, mal úrlyghy, kәmelet jasqa tolmaghandar arasyndaghy qúqyq búzushylyq, búzaqylyq jәne jol jýru erejelerin qatang saqtap, jol-kólik oqighalarynan saq bolugha shaqyrdy.

Sonymen qatar, audan boyynsha alayaqtyqtyng birneshe derekteri tirkelgendigin aita kele, týrli alayaqtyq týrlerinen, sonyng ishinde ghalamtor arqyly órship túrghan aqsha jymqyru, túrghyndardyng senimine kiru arqyly aldap aqsha alu derekterinen saqtanudy eskertti.

Múnan ózge, kәmelet jasqa tolmaghan jasóspirimderding jynystyq erkine qol súghumaushylyq, әleumettik jelini qoldanuy nәtiyjesinde dәstýrli emes diny aghymdargha elikteushiligi, basqa da rúqsat etilmegen sayttargha kiru, óz-ózine qol júmsau syndy mәselelerine toqtalyp, atalghan jayttardan ata-analar men mektep újymy tarapynan oqushylardy qatang baqylau qajet ekendigin tapsyrdy.

Kezdesu sonynda ynta bildirgen túrghyndar arasynda jeke qabyldau ótkizildi.

Ayta ketu kerek, aksiya odan әri aghymdaghy jyldyng 24 qyrkýiegi – Sekseuil kenti, Shijagha, Sazdy auyldarynda, 25 qyrkýiegi – Qosaman, Aqespe, Mergensay auyldarynda, 26 qyrkýiegi – Jaqsyqylysh kenti, Toqabay, Sapaq auyldarynda jalghasatyn bolady.

Abai.kz